ಗಾಳಿಪಟ ಹಾರಿಸಿದ ದಿಲೀಪ್ ಕುಮಾರ್

ಮುಂಬೈ (ಪಿಟಿಐ):  ಸಂಕ್ರಾಂತಿ ದಿನ ಗಾಳಿಪಟ ಹಾರಿಸುವುದು ಚಿಣ್ಣರಿಗಷ್ಟೇ ಸಂಭ್ರಮವಲ್ಲ. ಬಾಲಿವುಡ್‌ನಲ್ಲಿ ದಂತಕತೆಯಾಗಿರುವ ನಟ ದಿಲೀಪ್ ಕುಮಾರ್ ಸಹ ಗಾಳಿಪಟ ಅಂದರೆ ಹಿರಿ, ಹಿರಿ ಹಿಗ್ಗುತ್ತಾರೆ.

ಮುಂಬೈನಲ್ಲಿ ಆಕಾಶವೇ ಕಾಣದಂತೆ ಕಟ್ಟಡಗಳು ಎದ್ದಿದ್ದರೂ 89 ವರ್ಷದ ಈ ಹಿರಿಯ ನಟ ಉತ್ಸಾಹ ಕಳೆದುಕೊಂಡಿಲ್ಲ.

ಎಲ್ಲೆಲ್ಲಿಂದಲೋ ಸಂಗ್ರಹಿಸಿರುವ ಗಾಳಿಪಟಗಳ ಪೆಟ್ಟಿಗೆಯನ್ನು ಭಾನುವಾರ ತೆರೆದೇಬಿಟ್ಟರು. ಟೆರೇಸ್‌ಗೆ ಹೋಗಿ ಗಾಳಿಪಟ ಹಾರಿಸಿದರು.

ಗಾಳಿಪಟ ಯಶಸ್ವಿಯಾಗಿ ಹಾರಿಸಿದ ನಂತರ, ಅವು ಆಗಸದಲ್ಲಿ ಏರುವುದನ್ನು ನೋಡುವುದೇ ದೊಡ್ಡ ಥ್ರಿಲ್ ಎಂದು ಟ್ವಿಟರ್‌ನಲ್ಲಿ ಅವರು ಬರೆದಿದ್ದಾರೆ.