ಮದುವೆಯಲ್ಲಿ 'ಬಾಂಬ್' ಉಡುಗೊರೆ ಸ್ಫೋಟಗೊಂಡು ವರ ಸಾವು; ವಧುವಿಗೆ ಗಂಭೀರ ಗಾಯ

ಒಡಿಶಾ: ಮದುವೆಯಲ್ಲಿ ಬಾಂಬ್ ಉಡುಗೊರೆ ಸ್ಫೋಟಗೊಂಡು ವರ ಮತ್ತು ಆತನ ಅಜ್ಜಿ ಸಾವಿಗೀಡಾದ ಘಟನೆ ಒಡಿಶಾದ ಪಟ್ನಾಗಢ್ ಎಂಬಲ್ಲಿ ಶುಕ್ರವಾರ ಮಧ್ಯಾಹ್ನ ನಡೆದಿದೆ. ಈ ಘಟನೆಯಲ್ಲಿ ನವವಧು ಗಂಭೀರ ಗಾಯಗೊಂಡಿರುವುದಾಗಿ ಪೊಲೀಸರು ಹೇಳಿದ್ದಾರೆ.

ಬಾಂಬ್ ಸ್ಫೋಟದಲ್ಲಿ ವರ, ಪಟ್ನಾಗಢ್ ನಿವಾಸಿ ಸೌಮ್ಯ ಸೇಖರ್ ಸಾಹು ಮತ್ತು ಆತ ಅಜ್ಜಿ ಜೆಮಾಮಾನಿ ಸಾಹು (85) ಸಾವಿಗೀಡಾಗಿದ್ದಾರೆ. ವಧು ರೀಮಾ ಸಾಹು ಗಂಭೀರ ಗಾಯಗೊಂಡಿದ್ದು ಸಂಬಲ್‍ಪುರ್ ಜಿಲ್ಲೆಯ ಸರ್ಕಾರಿ ಮೆಡಿಕಲ್ ಕಾಲೇಜಿನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಫೆಬ್ರುವರಿ 18ರಂದು ಸಾಹು ಅವರ ವಿವಾಹ ನಡೆದಿತ್ತು. 

ಉಡುಗೊರೆಯಲ್ಲಿ  ಉಡುಗೊರೆ ಕೊಟ್ಟವರ ಹೆಸರು,ವಿಳಾಸ ಯಾವುದೂ ಇರಲಿಲ್ಲ. ಉಡುಗೊರೆಯ ಕವರ್ ಬಿಚ್ಚಿದ ಕೂಡಲೇ ಅದು ಸ್ಫೋಟಗೊಂಡಿತು ಎಂದು ಸಾಹು ಅವರ ಸಂಬಂಧಿ ದೀಪಕ್ ಸಾಹು ಹೇಳಿದ್ದಾರೆ.