ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ: ಅಪಸ್ವರ ತಾರಕಕ್ಕೆ

ತಿರುವನಂತಪುರಂ: 65ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಪುರಸ್ಕೃತರಲ್ಲಿ ಕೆಲವರು ಪ್ರಶಸ್ತಿ ಪ್ರದಾನ ಸಮಾರಂಭದಿಂದ ದೂರ ಉಳಿದ ಬೆನ್ನಲ್ಲೇ, ಪ್ರಶಸ್ತಿ ಪ್ರದಾನ ಸಮಾರಂಭ ಕುರಿತಂತೆ ಕೇಳಿ ಬರುತ್ತಿರುವ ಅಪಸ್ವರಗಳು ಹೆಚ್ಚುತ್ತಿವೆ.

ಸಮಾರಂಭವನ್ನು ಬಹಿಷ್ಕರಿಸಿದ ಕಲಾವಿದರಿಗೆ ಮಲಯಾಳಂ ಚಲನಚಿತ್ರರಂಗ ಬೆಂಬಲ ಸೂಚಿಸಿದ್ದು, ತೀವ್ರ ಅಪಸ್ವರದ ಮಧ್ಯೆಯೂ ಪ್ರಶಸ್ತಿ ಸ್ವೀಕರಿಸಿದವರ ವಿರುದ್ಧ ಟೀಕೆ ಕೇಳಿ ಬಂದಿವೆ.

ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ರಾಜಕೀಯ ಲಾಭದ ವೇದಿಕೆಯನ್ನಾಗಿ ಬಳಸಿಕೊಳ್ಳಲಾಯಿತು ಎಂಬ ವಿವಾದ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಸಂದೇಶಗಳು ಪ್ರಸಾರಗೊಂಡಿದ್ದು ಸಹ ಕಾರ್ಯಕ್ರಮ ಕುರಿತ ಅಸಮಾಧಾನ ಸ್ಫೋಟಗೊಳ್ಳಲು ಕಾರಣವಾಯಿತು.

ರಾಷ್ಟ್ರಪತಿ ರಾಮನಾಥ ಕೋವಿಂದ ಕೇವಲ 11 ಪ್ರಶಸ್ತಿ ಪ್ರದಾನ ಮಾಡಿದರೆ, ಸಚಿವೆ ಸ್ಮೃತಿ ಇರಾನಿ, ರಾಜ್ಯ ಸಚಿವ ರಾಜ್ಯವರ್ಧನ ರಾಥೋಡ್‌ ಬಹುತೇಕ ಪ್ರಶಸ್ತಿಗಳನ್ನು ಪ್ರದಾನ ಮಾಡಿದ್ದರು.