20 ಮಹಿಳಾ ವಿವಿಗೆ ಯುಜಿಸಿ ಪ್ರಸ್ತಾವನೆ

ನವದೆಹಲಿ, (ಪಿಟಿಐ): ಮಹಿಳೆಯರಿಗೆ ಉನ್ನತ ಹಾಗೂ ಗುಣಮಟ್ಟದ ಶಿಕ್ಷಣ ಒದಗಿಸುವ ನಿಟ್ಟಿನಲ್ಲಿ  ವಿಶ್ವವಿದ್ಯಾಲಯ ಧನಸಹಾಯ ಆಯೋಗವು (ಯುಜಿಸಿ)  ಅವರಿಗಾಗಿಯೇ ಮೀಸಲಿರುವ  20  ಮಹಿಳಾ ವಿಶ್ವವಿದ್ಯಾಲಯಗಳು ಸೇರಿದಂತೆ 800  ಕಾಲೇಜುಗಳನ್ನು ಸ್ಥಾಪಿಸಲು ಉದ್ದೇಶಿಸಿದೆ.

ಮಹಿಳೆಯರಿಗೆ ಗುಣಮಟ್ಟದ ಶಿಕ್ಷಣ ನೀಡುವ ಭರವಸೆಯ ಹಿನ್ನೆಲೆಯಲ್ಲಿ 12ನೇ ಪಂಚವಾರ್ಷಿಕ ಯೋಜನೆಯ ಅಡಿಯಲ್ಲಿ ಈ ವಿಶೇಷ ಮಹಿಳಾ ವಿಶ್ವವಿದ್ಯಾಲಯ ಹಾಗೂ ಕಾಲೇಜುಗಳ ಸ್ಥಾಪನೆಗೆ ಮುಂದಾಗಿದೆ. 

ವಿಶ್ವವಿದ್ಯಾಲಯ ಧನಸಹಾಯ ಆಯೋಗವು, ಉದ್ದೇಶಿತ ಈ ಪ್ರಸ್ತಾವನೆಗಾಗಿಯೇ 12 ಪಂಚವಾರ್ಷಿಕ ಯೋಜನೆಯಲ್ಲಿ ನಿಗದಿ ಮಾಡಿದ್ದ 46,632 ಕೋಟಿ ಹಣದ ಪ್ರಸ್ತಾವನೆಯನ್ನು  ನಾಲ್ಕು ಪಟ್ಟು ಎಂದರೆ ರೂ.1,84,740 ಕೋಟಿಗೆ ಹೆಚ್ಚಿಸಿದೆ.