ರಾಜಸ್ಥಾನ: 4.3 ತೀವ್ರತೆಯ ಭೂಕಂಪನ;ಯಾವುದೇ ಪ್ರಾಣ ಹಾನಿ ಇಲ್ಲ

ಜೈಪುರ: ರಾಜಸ್ಥಾನದ ಬರ್ಮೆರ್‌ ಜಿಲ್ಲೆಯಲ್ಲಿ ಗುರುವಾರ ಮುಂಜಾನೆ ಭೂಕಂಪನ ಸಂಭವಿಸಿದ್ದು, ರಿಕ್ಟರ್‌ ಮಾಪಕದಲ್ಲಿ ಕಂಪನದ ತೀವ್ರತೆ 4.3 ರಷ್ಟು ದಾಖಲಾಗಿದೆ. ಈ ವೇಳೆ ಯಾವುದೇ ಪ್ರಾಣ, ಆಸ್ತಿ ಹಾನಿ ವರದಿಯಾಗಿಲ್ಲ.

‘ಬರ್ಮೆರ್‌ನ ಬಲೋತ್ರಾ ನಗರದಲ್ಲಿ ಕಂಪನದ ಕೇಂದ್ರ ಬಿಂದು ಪತ್ತೆಯಾಗಿದೆ. ಬರ್ಮೆರ್‌ ಹೊರತುಪಡಿಸಿ, ಜಲೊರ್‌ ಜಿಲ್ಲೆಯ ಸಂಚೋರ್ ಮತ್ತು ಇತರ ಭಾಗಗಳಲ್ಲಿಯೂ ಬೆಳಿಗ್ಗೆ 11.15 ಗಂಟೆಗೆ ಕಂಪನದ ಅನುಭವ ಆಗಿದೆ’ ಎಂದು ಹವಾಮಾನ ಇಲಾಖೆ ಹೇಳಿದೆ.