ಹಿಮಾಚಲ ಪ್ರದೇಶ: ಕಾರು ಹರಿದು ಐವರು ಪಾದಚಾರಿಗಳು ಸಾವು

ಶಿಮ್ಲಾ (ಪಿಟಿಐ): ಕಾರು ಹರಿದು ಐವರು ಪಾದಾಚಾರಿಗಳು ಸಾವನ್ನಪ್ಪಿದ್ದು, ನಾಲ್ವರು ಗಾಯಗೊಂಡ ಘಟನೆ ಹಿಮಾಚಲ ಪ್ರದೇಶದ ಸೋಲನ್ ಜಿಲ್ಲೆಯಲ್ಲಿ ಮಂಗಳವಾರ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಶಿಮ್ಲಾ– ಚಂಡೀಗಢ ಹೆದ್ದಾರಿಯ ಧರ್ಮಾಪುರ ಬಳಿ ಬೆಳಿಗ್ಗೆ ಅವರು ಕೆಲಸಕ್ಕೆಂದು ನಡೆದು ಹೋಗುವಾಗ ಅಪಘಾತ ಸಂಭವಿಸಿದೆ ಎಂದು ಪೊಲೀಸರು ಹೇಳಿದ್ದಾರೆ.

ಕಾರು ಚಾಲಕನನ್ನು ಬಂಧಿಸಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.