ಬಿಹಾರದ ಜಮುಯಿ ಚಿನ್ನದ ನಿಕ್ಷೇಪ ಶೀಘ್ರ ಅನ್ವೇಷಣೆ

ಪಟ್ನಾ: ಬಿಹಾರದ ಜಮುಯಿ ಜಿಲ್ಲೆಯ ‘ದೇಶದ ಅತಿದೊಡ್ಡ’ ಚಿನ್ನದ ನಿಕ್ಷೇಪದ ಅನ್ವೇಷಣೆಗೆ ಅನುಮತಿ ನೀಡಲು ಬಿಹಾರ ಸರ್ಕಾರ ನಿರ್ಧರಿಸಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಜಿಎಸ್‌ಐ ಸಮೀಕ್ಷೆ ಪ್ರಕಾರ ಜಮುಯಿ ಜಿಲ್ಲೆಯಲ್ಲಿ 37.6 ಟನ್ ಖನಿಜಯುಕ್ತ ಅದಿರು ಸೇರಿದಂತೆ 222.88 ದಶಲಕ್ಷ ಟನ್‌ ಚಿನ್ನದ ಸಂಗ್ರಹವಿದೆ. ರಾಜ್ಯದ ಗಣಿ ಮತ್ತು ಭೂವಿಜ್ಞಾನ ಇಲಾಖೆಯು ಜಮುಯಿಯಲ್ಲಿನ ಚಿನ್ನದ ನಿಕ್ಷೇಪಗಳ ಅನ್ವೇಷಣೆಗಾಗಿ ಜಿಎಸ್‌ಐ ಮತ್ತು ಎನ್‌ಎಂಡಿಸಿ ಸೇರಿದಂತೆ ಅನ್ವೇಷಣೆಯಲ್ಲಿ ತೊಡಗಿರುವ ಇತರ ಏಜೆನ್ಸಿಗಳ ಜತೆ ಸಮಾಲೋಚನೆಯಲ್ಲಿ ತೊಡಗಿದೆ.