ಡೀಸೆಲ್‌ ಕುಡಿದು ಮಗು ಸಾವು

ಭುವನೇಶ್ವರ: ಒಡಿಶಾದಲ್ಲಿ ಒಂದೂವರೆ ವರ್ಷದ ಮಗು ಡೀಸೆಲ್‌ ಕುಡಿದು ಮೃತಪಟ್ಟಿದೆ.

ಮನೆಯಲ್ಲಿ ಬಾಟಲಿಯಲ್ಲಿ ಇಟ್ಟಿದ್ದ ಡೀಸೆಲ್‌ ಅನ್ನು ಮಗು ನೀರೆಂದು ಭಾವಿಸಿ ಕುಡಿದು ಮೃತಪಟ್ಟಿದೆ ಎಂದು ಪೊಲೀಸರು ಹೇಳಿದ್ದಾರೆ.

ಮೃತ ಮಗುವಿನ ತಂದೆ ವಾಹನಗಳ ರಿಪೇರಿ ಕೆಲಸ ಮಾಡುತ್ತಿದ್ದರು. ಕೆಲಸದ ಸಲುವಾಗಿ ಅವರು ಮನೆಗೆ ಡೀಸೆಲ್‌ ತಂದಿದ್ದರು.

ಮನೆಯವರ ಗಮನಕ್ಕೆ ಬಾರದಂತೆ ಮಗು ಡೀಸೆಲ್‌ ಕುಡಿದಿದೆ ಎಂದು ಪೊಲೀಸರು ಹೇಳಿದ್ದಾರೆ.