ಬಾಲ್ಟಿಮೋರ್:ಕ್ರಿಸ್ಟೋಫರ್ ಕೊಲಂಬಸ್ ಪ್ರತಿಮೆ ಧ್ವಂಸ
Published 5 ಜುಲೈ 2020, 6:27 IST
ಕೊಲಂಬಸ್
ಬಾಲ್ಟಿಮೋರ್: ಲಿಟಲ್‌ ಇಟಲಿ ಬಳಿ ಇರುವ ಕ್ರಿಸ್ಟೋಫರ್ ಕೊಲಂಬಸ್‌ನ ಪ್ರತಿಮೆಯನ್ನು ಇಲ್ಲಿನ ಪ್ರತಿಭಟನಕಾರರು ಹಗ್ಗದ ಸಹಾಯದಿಂದ ಕೆಡವಿ ನಗರದ ಇನ್ನರ್ ಹಾರ್ಬರ್‌ನಲ್ಲಿ ಶನಿವಾರ ಎಸೆದಿದ್ದಾರೆ.
ಮೇ 25ರಂದು ಅಮೆರಿಕದಲ್ಲಿ ಪೊಲೀಸರ ದೌರ್ಜನ್ಯದಿಂದ ಆಫ್ರೋ–ಅಮೆರಿಕನ್ ಜಾರ್ಜ್‌ ಫ್ಲಾಯ್ಡ್ ಸಾವನ್ನಪ್ಪಿದ್ದರು. ಇದನ್ನು ಖಂಡಿಸಿಬಾಲ್ಟಿಮೋರ್‌ನಲ್ಲಿ ಆರಂಭಗೊಂಡಿರುವ ಪ್ರತಿಭಟನೆ ಇನ್ನೂ ನಿಂತಿಲ್ಲ.ಅಮೆರಿಕದ ಸ್ಥಳೀಯ ಜನರ ನರಮೇಧ ಮತ್ತು ಶೋಷಣೆಗೆ ಇಟಲಿಯ ಅನ್ವೇಷಕ ಕ್ರಿಸ್ಟೋಫರ್ ಕೊಲಂಬಸ್ ಕಾರಣ ಎಂದು ಪ್ರತಿಭಟನಕಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಇದಕ್ಕೂ ಮುನ್ನಮಿಯಾಮಿ, ರಿಚ್ಮಂಡ್, ವರ್ಜಿನಿಯಾ, ಸೇಂಟ್ ಪಾಲ್, ಮಿನ್ನೆಸೋಟಾ ಮತ್ತು ಬಾಸ್ಟನ್‌‌‌ನಲ್ಲೂ ಪ್ರತಿಭಟನಕಾರರು ಕ್ರಿಸ್ಟೋಫರ್ ಕೊಲಂಬಸ್‌ನ ಪ್ರತಿಮೆಯನ್ನು ಧ್ವಂಸ ಮಾಡಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.