ಬಿಹಾರದಲ್ಲಿ ಲಘು ಭೂಕಂಪ

ಪಟ್ನಾ: ಬಿಹಾರದ ಕೆಲವು ಭಾಗಗಳಲ್ಲಿ ಸೋಮವಾರ ರಾತ್ರಿ ಕಡಿಮೆ ತೀವ್ರತೆಯ ಭೂಕಂಪ ಸಂಭವಿಸಿವೆ. ಆದರೆ, ಯಾವುದೇ ಹಾನಿ ಸಂಭವಿಸಿದ ವರದಿಯಾಗಿಲ್ಲ.

ರಿಕ್ಟರ್‌ ಮಾಪನದಲ್ಲಿ 3.5ರಷ್ಟು ದಾಖಲಾಗಿದೆ. ರಾತ್ರಿ 9.23ರ ಸುಮಾರಿಗೆ ಭೂಕಂಪ ಸಂಭವಿಸಿದ್ದು, ಪಟ್ನಾ ಸಮೀಪವೇ ಕೇಂದ್ರೀಕೃತವಾಗಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಲಘು ಭೂಕಂಪವಾಗಿದ್ದರಿಂದ ಬಹುತೇಕ ಮಂದಿಗೆ ಯಾವುದೇ ರೀತಿಯ ಅನುಭವವೂ ಆಗಿಲ್ಲ. ಆದರೆ, ಭೂಕಂಪದ ಸುದ್ದಿ ಹಬ್ಬುತ್ತಿ ದ್ದಂತೆ ಹಲವರು ಸಾಮಾಜಿಕ ಮಾಧ್ಯ ಮಗಳ ಮೂಲಕ ವಿಷಯವನ್ನು ಹಂಚಿಕೊಂಡಿದ್ದಾರೆ. ‘ಸುರಕ್ಷಿತವಾಗಿರಿ’ ಎನ್ನುವ ಸಂದೇಶಗಳನ್ನು ಕಳುಹಿಸಿದ್ದಾರೆ.