ಸಿಬಿಎಸ್‌ಇ: 10,12ನೇ ತರಗತಿ ವೇಳಾಪಟ್ಟಿ ನಾಳೆ ಘೋಷಣೆ

ನವದೆಹಲಿ: ಸಿಬಿಎಸ್‌ಇ ಪಠ್ಯಕ್ರಮದ10 ಹಾಗೂ 12ನೇ ತರಗತಿ ವಿದ್ಯಾರ್ಥಿಗಳಿಗೆ ಬಾಕಿ ಇರುವ ಪರೀಕ್ಷೆಯ ವೇಳಾಪಟ್ಟಿಯನ್ನು ಮೇ 18ರಂದು ಘೋಷಿಸುವುದಾಗಿ ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ (ಎಚ್‌ಆರ್‌ಡಿ) ಶನಿವಾರ ತಿಳಿಸಿದೆ.

'ಪರೀಕ್ಷೆಯ ವೇಳಾಪಟ್ಟಿ ಅಂತಿಮಗೊಳಿಸುವ ಮೊದಲು ಕೆಲವು ತಾಂತ್ರಿಕ ವಿಷಯಗಳನ್ನು ಸಿಬಿಎಸ್‌ಇ ಪರಿಶೀಲಿಸುತ್ತಿದೆ. ಆದ್ದರಿಂದ ವೇಳಾಪಟ್ಟಿ ಬಿಡುಗಡೆ ಮುಂದೂಡಲಾಯಿತು' ಎಂದು ಸಚಿವ ರಮೇಶ್‌ ಪೋಖರಿಯಾಲ್‌ ನಿಶಂಕ್‌ ಟ್ವೀಟ್‌ ಮಾಡಿದ್ದಾರೆ. ಈ ಮೊದಲು ಶನಿವಾರ ಸಂಜೆ 5 ಗಂಟೆಗೆ ವೇಳಾಪಟ್ಟಿ ಪ್ರಕಟಿಸುವುದಾಗಿ ಸಚಿವಾಲಯ ಹೇಳಿತ್ತು.