ಕೇರಳ: ರಬ್ಬರ್‌ ಶೀಟ್‌ ಕಳವು; 37 ವರ್ಷದ ಬಳಿಕ ಆರೋಪಿ ಬಂಧನ
Published 6 ನವೆಂಬರ್ 2022, 7:46 IST
ಸಾಂದರ್ಭಿಕ ಚಿತ್ರ
ಪತ್ತನಂತಿಟ್ಟ: ರಬ್ಬರ್‌ ಶೀಟ್‌ ಕಳವು ಪ್ರಕರಣಕ್ಕೆ ಸಂಬಂಧಿಸಿ ಬರೋಬ್ಬರಿ 37 ವರ್ಷಗಳ ಬಳಿಕ ಆರೋಪಿಯನ್ನು ಬಂಧಿಸಿದ ಘಟನೆ ಕೇರಳದಲ್ಲಿ ವರದಿಯಾಗಿದೆ.
ರಬ್ಬರ್‌ ಶೀಟ್‌ ಕಳವು ಮಾಡಿದ ಬಳಿಕ ಅರಣ್ಯ ಪ್ರದೇಶದಲ್ಲಿ ತಲೆಮರೆಸಿಕೊಂಡಿದ್ದ ದಕ್ಷಿಣ ಕೇರಳದ ವೆಚ್ಚೂಚಿರಾ ಗ್ರಾಮದ ನಿವಾಸಿ ಪೊಡಿಯನ್‌ ಎಂಬುವವರನ್ನು ಈಗ ಪೊಲೀಸರು ಬಂಧಿಸಿದ್ದಾರೆ.
1985ರಲ್ಲಿ ರಬ್ಬರ್‌ ಶೀಟ್‌ ಕಳವು ಪ್ರಕರಣ ದಾಖಲಾಗಿತ್ತು. ಬಳಿಕ ಆರೋಪಿ ಪೊಡಿಯನ್‌ ಎಲ್ಲಿಯೂ ಕಾಣಸಿಕ್ಕಿರಲಿಲ್ಲ. ಮೊಬೈಲ್‌ ಹೊಂದಿರದಿದ್ದ ಪೊಡಿಯನ್‌ ಯಾರ ಸಂಪರ್ಕಕ್ಕೂ ಸಿಕ್ಕಿರಲಿಲ್ಲ. ಸಂಬಂಧಿಕರಿಗಾಗಲಿ ಮತ್ತು ಗ್ರಾಮಸ್ಥರಿಗಾಗಲಿ ಆರೋಪಿ ಪೊಡಿಯನ್‌ ಎಲ್ಲಿದ್ದಾರೆಂಬ ಸುಳಿವು ಯಾರಿಗೂ ಇರಲಿಲ್ಲ.
ಕಳ್ಳತನದ ಬಳಿಕ ಸಮೀಪದ ಪದುಪರ ಅರಣ್ಯದಲ್ಲಿ ಅಡಗಿದ್ದ ಆರೋಪಿಯನ್ನು ಸುಳಿವು ಆಧರಿಸಿ ವೆಚ್ಚೂಚಿರಾ ಪೊಲೀಸರು ಬಂಧಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.