ನೊಯ್ಡಾ, ಉತ್ತರ ಪ್ರದೇಶ: ಚೀನಾದೊಂದಿಗೆ ಸಂಪರ್ಕ ಹೊಂದಿದ, ಆನ್ಲೈನ್ ಮೂಲಕ ₹ 3,000 ಕೋಟಿ ವಂಚಿಸಿದ ಜಾಲವನ್ನು ಭೇದಿಸಿದ್ದಾಗಿ ಉತ್ತರ ಪ್ರದೇಶದ ಸೈಬರ್ ಪೊಲೀಸರು ಬುಧವಾರ ಹೇಳಿದ್ದಾರೆ.
ಪ್ರಕರಣಕ್ಕೆ ಸಂಬಂಧಿಸಿ, ಪಶ್ಚಿಮ ಬಂಗಾಳದ ಮಂಜರುಲ್ ಇಸ್ಲಾಂ ಎಂಬಾತನನ್ನು ನೊಯ್ಡಾದಲ್ಲಿ ಬಂಧಿಸಲಾಗಿದೆ ಎಂದು ಬರೇಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ (ಸೈಬರ್ ಘಟಕ) ತ್ರಿವೇಣಿ ಸಿಂಗ್ ತಿಳಿಸಿದ್ದಾರೆ.
‘ಪ್ರಮುಖ ಸಂಸ್ಥೆಗಳಲ್ಲಿ ಅರೆ ಕಾಲಿಕ ಉದ್ಯೋಗ ಕೊಡಿಸುವುದಾಗಿ ಅಥವಾ ಹೂಡಿಕೆ ಮಾಡಿದ ಹಣವನ್ನು ದ್ವಿಗುಣಗೊಳಿಸುವುದಾಗಿ ಹೇಳಿ ಈ ತಂಡ, ಜನರನ್ನು ವಂಚಿಸುತ್ತಿತ್ತು. ಜನರಿಂದ ಪಡೆದ ಹಣವನ್ನು ಯುಪಿಐ ಐಡಿ ಮುಖಾಂತರಕ್ರಿಪ್ಟೊ ವ್ಯಾಲೆಟ್ಗಳಿಗೆ ವರ್ಗಾಯಿಸಲಾಗುತ್ತಿತ್ತು. ಈ ಖಾತೆಗಳನ್ನು ಚೀನಾ, ಮಲೇಷ್ಯಾ, ಫಿಲಿಪ್ಪೀನ್ಸ್ ಹಾಗೂ ವಿಯೆಟ್ನಾಮ್ಗಳಲ್ಲಿ ನಿರ್ವಹಿಸಲಾಗುತ್ತಿತ್ತು ’ ಎಂದು ಅವರು ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.