ನಿವೃತ್ತಿ ಇಂಗಿತ ವ್ಯಕ್ತಪಡಿಸಿದ ಪೋಪ್‌ ಫ್ರಾನ್ಸಿಸ್

ವ್ಯಾಟಿಕನ್‌ ಸಿಟಿ: ‘ಮೊಣಕಾಲು ನೋವಿನ ಕಾರಣದಿಂದ ಈ ಹಿಂದಿನಂತೆ ಓಡಾಡಲು ಸಾಧ್ಯವಾಗುತ್ತಿಲ್ಲ. ಒಂದು ವಾರದ ಕೆನಡಾ ಯಾತ್ರೆಯಲ್ಲಿ ನನ್ನ ಸಾಮರ್ಥ್ಯದ ಪರೀಕ್ಷೆ ನಡೆದಿದೆ. ಒಂದು ದಿನ ನಿವೃತ್ತಿ ಪಡೆಯಬೇಕಾಗುತ್ತದೆ ಎನ್ನುವುದನ್ನು ತೋರಿಸಿದೆ’ ಎಂದು ಪೋಪ್‌ ಫ್ರಾನ್ಸಿಸ್‌ ಶನಿವಾರ ತಿಳಿಸಿದ್ದಾರೆ.

‘ರಾಜೀನಾಮೆಯ ಯೋಚನೆ ಬಂದಿಲ್ಲ, ಆದರೆ ‘ಬಾಗಿಲು ತೆರೆದಿದೆ’ ಮತ್ತು ಹುದ್ದೆಯಿಂದ ಕೆಳಗಿಳಿಯುವುದರಲ್ಲಿ ಯಾವುದೇ ತಪ್ಪಿಲ್ಲ. ಇದು ವಿಲಕ್ಷಣವೂ ಅಲ್ಲ. ನೀವು ಪೋಪ್‌ ಅನ್ನು ಬದಲಾಯಿಸಬಹುದು’ ಎಂದು 85 ವರ್ಷದ ಪೋಪ್‌ ಹೇಳಿದ್ದಾರೆ.