ಸುಶಾಂತ್‌ ಸಹೋದರಿಯ ಟ್ವಿಟರ್‌, ಇನ್‌ಸ್ಟಾಗ್ರಾಂ‌ ಖಾತೆ ನಿಷ್ಕ್ರಿಯ

ಮುಂಬೈ : ನಟ ಸುಶಾಂತ್‌ ಸಿಂಗ್‌ ರಜಪೂತ್‌ ಅವರ ಸಹೋದರಿ ಶ್ವೇತಾ ಸಿಂಗ್‌ ಅವರ ಇನ್‌ಸ್ಟಾಗ್ರಾಂ‌ ಮತ್ತು ಟ್ವಿಟರ್‌ ಖಾತೆಗಳು ನಿಷ್ಕ್ರಿಯಗೊಂಡಿವೆ.

ಸಾಮಾಜಿಕ ಮಾಧ್ಯಮಗಳನ್ನು ತ್ಯಜಿಸುವ ಕುರಿತು ಶ್ವೇತಾ ಯಾವುದೇ ಮಾಹಿತಿಯನ್ನು ನೀಡಿಲ್ಲ. ಹೀಗಾಗಿ, ಅವರಾಗಿಯೇ ಈ ಖಾತೆಗಳನ್ನು ನಿಷ್ಕಿಯಗೊಳಿಸಿದ್ದಾರೆಯೇ ಎಂಬ ಖಚಿತ ಮಾಹಿತಿ ದೊರಕಿಲ್ಲ.

ಸುಶಾಂತ್‌ ಸಾವಿಗೀಡಾಗಿ ಬುಧವಾರಕ್ಕೆ ಸರಿಯಾಗಿ ನಾಲ್ಕು ತಿಂಗಳು ಕಳೆದಿದೆ. ಸಾಮಾಜಿಕ ಮಾಧ್ಯಮಗಳಲ್ಲಿ ಚುರುಕಾಗಿದ್ದ ಶ್ವೇತಾ ಅವರು, ಸಹೋದರನ ಸಾವಿಗೆ ನ್ಯಾಯ ದೊರಕಿಸಿಕೊಡುವಂತೆ ಅಭಿಯಾನವನ್ನು ಆರಂಭಿಸಿದ್ದರು. ಇದ್ದಕ್ಕಿದ್ದಂತೆ ಅವರ ಖಾತೆಗಳು ನಿಷ್ಕಿಯಗೊಂಡಿರುವುದು ಸುಶಾಂತ್‌ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದೆ.