ಜೈಲು ಶೌಚಾಲಯದಲ್ಲಿ ಕೈದಿ ಸಾವು

ಬಲರಾಮ್‌ಪುರ (ಉತ್ತರ ಪ್ರದೇಶ): 30 ವರ್ಷ ವಯಸ್ಸಿನ ವಿಚಾರಣಾಧೀನ ಕೈದಿಯೊಬ್ಬರು ಜಿಲ್ಲಾ ಕಾರಾಗೃಹದ ಶೌಚಾಲಯದಲ್ಲಿ ನೇಣುಬಿಗಿದ ಸ್ಥಿತಿಯಲ್ಲಿ ಬುಧವಾರ ಬೆಳಿಗ್ಗೆ ಪತ್ತೆಯಾಗಿದ್ದಾರೆ.

ಪತ್ನಿ ಕೊಲೆ ಆರೋಪದಲ್ಲಿ ಏಪ್ರಿಲ್ 19ರಿಂದ ಜೈಲಿನಲ್ಲಿದ್ದ ತುಳಸಿಪುರದ ಜೈಪಾಲ್ ಎಂಬುವರು ಶೌಚಾಲಯದಲ್ಲಿ ನೇಣು ಹಾಕಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸಾವಿಗೆ ನಿಖರ ಕಾರಣವನ್ನು ತಿಳಿಯಲು ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದ್ದು, ತನಿಖೆ ನಡೆಯುತ್ತಿದೆ ಎಂದು ಎಸ್‌ಪಿ ದೇವ್ ರಂಜನ್ ವರ್ಮಾ ಅವರು ತಿಳಿಸಿದ್ದಾರೆ.