ಗಿನ್ನಿಸ್ ದಾಖಲೆಗೆ ನಿರಂತರ ನೃತ್ಯ

ಮೈಸೂರು: ಹದಿನೈದು ದಿನಗಳ ನಿರಂತರ ನರ್ತನದ ಮೂಲಕ ತನ್ನದೇ ಗಿನ್ನಿಸ್ ದಾಖಲೆ ಮುರಿಯಲು ಮುಂದಾಗಿರುವ ಕನಕಪುರದ ಕಲಾವಿದ ಕ.ರಾ. ಚಂದ್ರಕುಮಾರ್ ನಾಯಕ್ `ಶಿವತಾಂಡವ ನೃತ್ಯ' ಗುರುವಾರ ಎರಡನೇ ದಿನಕ್ಕೆ ಕಾಲಿಟ್ಟಿದೆ.

ನಗರದ ಅಂಬಾವಿಲಾಸ ಅರಮನೆಯ ಉತ್ತರ ದ್ವಾರದಲ್ಲಿ ನಿರ್ಮಿಸಿರುವ ತೆರೆದ ವೇದಿಕೆಯ ಮೇಲೆ ಚಂದ್ರಕುಮಾರ್ ನೃತ್ಯ ಪ್ರದರ್ಶಿಸುತ್ತಿದ್ದಾರೆ. ಜುಲೈ 3ರಿಂದ 17ರ ವರೆಗೆ 360 ಗಂಟೆಗಳ ಕಾಲ ನಿರಂತರ ನೃತ್ಯ ಮಾಡಿ, ತನ್ನದೇ 168 ಗಂಟೆಯ ನರ್ತನದ ಗಿನ್ನಿಸ್ ದಾಖಲೆ ಮುರಿಯಲು ಪ್ರಯತ್ನಿಸುತ್ತಿದ್ದಾರೆ.

2005ರಲ್ಲಿ ಬೆಂಗಳೂರಿನ ಮಲ್ಲೇಶ್ವರಂ ಆಟದ ಮೈದಾನದಲ್ಲಿ 7 ದಿನಗಳ ಕಾಲ ನಿರಂತರ ನೃತ್ಯ ಪ್ರದರ್ಶಿಸಿದ್ದರು.