ಡಿ.ಕೆ. ಶಿವಕುಮಾರ್‌: ರಾಜ್ಯಗಳ ಸಚಿವರಲ್ಲಿ ಎರಡನೇ ಶ್ರೀಮಂತ

ದೇಶದಲ್ಲಿರುವ ವಿವಿಧ ರಾಜ್ಯಗಳ ಸಚಿವರ ಪೈಕಿ ಯಾರು ಹೆಚ್ಚು ಶ್ರೀಮಂತರು ಎಂಬ ಬಗ್ಗೆ ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್‌ (ಎಡಿಆರ್‌) ಸಂಸ್ಥೆ ಅಧ್ಯಯನ ನಡೆಸಿದೆ. ರಾಜ್ಯದ ಇಂಧನ ಸಚಿವ ಡಿ.ಕೆ. ಶಿವಕುಮಾರ್ ಎರಡನೆಯ ಅತಿ ಶ್ರೀಮಂತ ಸಚಿವ ಎಂದು ಸಂಸ್ಥೆ ಹೇಳಿದೆ.

29 ರಾಜ್ಯಗಳ, ಎರಡು ಕೇಂದ್ರಾಡಳಿತ ಪ್ರದೇಶಗಳ 620 ಮಂತ್ರಿಗಳ ಪೈಕಿ 609 ಜನ ಚುನಾವಣೆ ವೇಳೆ ಸಲ್ಲಿಸಿದ ಪ್ರಮಾಣಪತ್ರವನ್ನು ಪರಿಶೀಲಿಸಿ ಎಡಿಆರ್‌ ಈ ತೀರ್ಮಾನಕ್ಕೆ ಬಂದಿದೆ.