ಧರ್ಮಸ್ಥಳದ ಆನೆ ಸಾವು

ಬೆಳ್ತಂಗಡಿ: ಧರ್ಮಸ್ಥಳದ ಆನೆ ಗಂಗೆ (62) ಶನಿವಾರ ಬೆಳಿಗ್ಗೆ ಹೃದಯಾಘಾತದಿಂದ ಸಾವನ್ನಪ್ಪಿದೆ. 1950ರಲ್ಲಿ ಜನಿಸಿದ್ದ ಆನೆಯನ್ನು 1957ರಲ್ಲಿ ಅರಣ್ಯ ಇಲಾಖೆ ಸೂಕ್ತ ತರಬೇತಿ ಬಳಿಕ ಧರ್ಮಸ್ಥಳಕ್ಕೆ ತರಲಾಗಿತ್ತು.
ಧರ್ಮಸ್ಥಳದಲ್ಲಿ ಲಕ್ಷದೀಪೋತ್ಸವ, ವಿಷು ಜಾತ್ರೆ, ವಿಶೇಷ ಉತ್ಸವ ಹಾಗೂ ಮೆರವಣಿಗೆ ಸಂದರ್ಭದಲ್ಲಿ ಆನೆಯನ್ನು ಅಲಂಕರಿಸಿ ದೇವರ ಸೇವೆಗೆ ಬಳಸಲಾಗುತ್ತಿತ್ತು.

ಪಶುವೈದ್ಯ ಇಲಾಖೆಯ ಸಹಾಯಕ ನಿರ್ದೇಶಕ ಡಾ. ರತ್ನಾಕರ ಮಲ್ಯ ಮತ್ತು ಡಾ. ಜಯಕೀರ್ತಿ ಜೈನ್ ಆನೆಯ ಮರಣೋತ್ತರ ಪರೀಕ್ಷೆ ನಡೆಸಿದರು. ಅರಣ್ಯಾಧಿಕಾರಿ ಪದ್ಮನಾಭ ಗೌಡ, ವಲಯ ಅರಣ್ಯಾಧಿಕಾರಿ ಪ್ರವೀಣ್ ಉಪಸ್ಥಿತರಿದ್ದರು.