ರೈತ ಒಕ್ಕೂಟದ ಅಧ್ಯಕ್ಷ ಕೆ.ಎಂ.ಕೊಟ್ರೇಶಪ್ಪ ಇನ್ನಿಲ್ಲ

ದಾವಣಗೆರೆ: ಭಾರತೀಯ ರೈತ ಒಕ್ಕೂಟ ಅಧ್ಯಕ್ಷ ಕೆ.ಎಂ. ಕೊಟ್ರೇಶಪ್ಪ (66) ನಗರದ ಎಸ್‌ಎಸ್ ಆಸ್ಪತ್ರೆಯಲ್ಲಿ ಗುರುವಾರ ನಿಧನರಾದರು.

ಇವರು ಕೃಷಿಕ ಸಮಾಜದ ಅಧ್ಯಕ್ಷರಾಗಿ, ಕಕ್ಕರಗೊಳ್ಳ ಜಿಲ್ಲಾ ಪಂಚಾಯಿತಿ ಸದಸ್ಯರಾಗಿ, ದಾವಣಗೆರೆ ಕೋ ಆಪರೇಟಿವ್ ನಿರ್ದೇಶಕರಾಗಿ, ಸಾಧು ವೀರಶೈವ ಸಮಾಜದ ಮುಖಂಡರಾಗಿ, ಎಪಿಎಂಸಿ ನಿರ್ದೇಶಕರಾಗಿ, ದಾವಣಗೆರೆ ಗ್ರಾಮೀಣ ಉತ್ತರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾಗಿ  ಸೇವೆ ಸಲ್ಲಿಸಿದ್ದರು.  ಅವರಿಗೆ ಇಬ್ಬರು ಪುತ್ರರು ಇದ್ದಾರೆ.

ಕೊಟ್ರೇಶಪ್ಪ ಅವರ ಅಂತ್ಯಸಂಸ್ಕಾರ ಸ್ವಗ್ರಾಮ ಬಿ. ಕಲ್ಪನಹಳ್ಳಿಯಲ್ಲಿ ನೆರವೇರಿತು.