ವಿಧಾನಸೌಧ: ಇಲಿ ಹಿಡಿಯಲು 5 ವರ್ಷದಲ್ಲಿ ₹ 19 ಲಕ್ಷ ಖರ್ಚು!

ಬೆಂಗಳೂರು: ಕಳೆದ ಐದು ವರ್ಷಗಳಲ್ಲಿ ವಿಧಾನಸೌಧದಲ್ಲಿ ಇಲಿ ಮತ್ತು ಹೆಗ್ಗಣ ಹಿಡಿಯಲು ಸರ್ಕಾರ ಮಾಡಿರುವ ಖರ್ಚು ₹ 19.34 ಲಕ್ಷ.

ಜೆಡಿಎಸ್‌ನ ಪಟೇಲ್‌ ಶಿವರಾಂ ಕೇಳಿದ ಪ್ರಶ್ನೆಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ನೀಡಿರುವ ಲಿಖಿತ ಉತ್ತರದಲ್ಲಿ ಈ ವಿವರ ಇದೆ. ಇಲಿಗಳಿಂದಾಗಿ ಕಡತ ಅಥವಾ ಯಾವುದೇ ಬೆಲೆಬಾಳುವ ವಸ್ತು ಹಾಳಾಗಿಲ್ಲ ಎಂದು ಮುಖ್ಯಮಂತ್ರಿ ತಿಳಿಸಿದ್ದಾರೆ.

ವಿಧಾನ ಸೌಧದಲ್ಲಿ ಇಲಿ ಹಿಡಿಯುವ ಗುತ್ತಿಗೆಯನ್ನು ಶ್ರೀ ಗಂಗಾ ಫೆಸಿಲಿಟಿ ಅಂಡ್‌ ಮ್ಯಾನೇಜ್‌ಮೆಂಟ್‌ ಸರ್ವಿಸ್‌ ಎಂಬ ಸಂಸ್ಥೆಗೆ ವಹಿಸಲಾಗಿದೆ. ಪ್ರತಿ ತಿಂಗಳು ಸರಾಸರಿ 50 ಇಲಿಗಳನ್ನು ವಿಧಾನಸೌಧದಲ್ಲಿ ಹಿಡಿಯಲಾಗುತ್ತಿದೆ ಎಂದು ಸಿದ್ದರಾಮಯ್ಯ ಹೇಳಿದ್ದಾರೆ.