ಶಾಸಕ ಮುನವಳ್ಳಿಗೆ ಬೆದರಿಕೆ ಪತ್ರ: ದೂರು ದಾಖಲು

ಗಂಗಾವತಿ (ಕೊಪ್ಪಳ): ಶಾಸಕ ಪರಣ್ಣ ಮುನವಳ್ಳಿ ಅವರ ಹೆಸರಿಗೆ 'ಕೋಬ್ರಾ ಟೀಂ' ಹೆಸರಲ್ಲಿ ಬೆದರಿಕೆ ಪತ್ರ ಬಂದಿದ್ದು, ₹50 ಲಕ್ಷ ಮೊತ್ತಕ್ಕೆ ಬೇಡಿಕೆ ಇಡಲಾಗಿದೆ.

ಶಾಸಕರ ನಿವಾಸದ ಕಾವಲುಗಾರರ ಕೈಗೆ ಅಪರಿಚತ ವ್ಯಕ್ತಿಯೊಬ್ಬರು ಬುಧವಾರ, ಶಾಸಕರಿಗೆ ತಲುಪಿಸುವಂತೆ ಲಕೋಟೆಯನ್ನು ಕೊಟ್ಟು ಹೋಗಿದ್ದಾರೆ.

‘ಮೂರು- ನಾಲ್ಕು ದಿನಗಳಲ್ಲಿ ₹50 ಲಕ್ಷ ನೀಡದಿದ್ದರೆ ನಿಮ್ಮ ಮಾನವನ್ನು ಸಾರ್ವಜನಿಕವಾಗಿ ಹರಾಜು ಹಾಕುತ್ತೇನೆ ಎಂದು ಪತ್ರದಲ್ಲಿ ಬೆದರಿಕೆ ಹಾಕಲಾಗಿದೆ. ಅಲ್ಲದೆ ಮೊಬೈಲ್‌ಗೆ ಕರೆ ಮಾಡಿದ ಅಪರಿಚಿತ ವ್ಯಕ್ತಿ ಹಣಕ್ಕೆ ಬೇಡಿಕೆ ಇಟ್ಟಿದ್ದಾನೆ’ ಎಂದು ಶಾಸಕರು ದೂರು ನೀಡಿದ್ದಾರೆ. ಪ್ರಕರಣ ದಾಖಲಾಗಿದೆ.