ಹೂಡಿಕೆದಾರರ ಆಕರ್ಷಣೆ: ರಾಜ್ಯ ಮಾದರಿ

ಬೆಂಗಳೂರು: `ಪ್ರವಾಸೋದ್ಯಮ ಎಂದರೆ ಉದ್ಯೋಗ ಎಂದರ್ಥ. ಈ ಉದ್ಯಮದಲ್ಲಿ ಹೂಡಿಕೆಗೆ ವಿಪುಲ ಅವಕಾಶಗಳಿವೆ~ ಎಂದು ಕೇಂದ್ರ ಪ್ರವಾಸೋದ್ಯಮ ಸಚಿವ ಸುಬೋಧ್ ಕಾಂತ್ ಸಹಾಯ್ ಹೇಳಿದರು.

ಜಾಗತಿಕ ಹೂಡಿಕೆದಾರರ ಸಮಾವೇಶದ ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದ ಅವರು, `ಹೂಡಿಕೆದಾರರನ್ನು ಆಕರ್ಷಿಸುವಲ್ಲಿ ಕರ್ನಾಟಕ, ಇತರ ರಾಜ್ಯಗಳಿಗೆ ಮಾದರಿಯಾಗಿದೆ~ ಎಂದರು.
`ದೇಶದಲ್ಲಿ 2 ಲಕ್ಷ ಪ್ರವಾಸಿ ಹೋಟೆಲ್ ಕೊಠಡಿಗಳ ಕೊರತೆ ಇದೆ.

2016ರ ವೇಳೆಗೆ ಪ್ರವಾಸೋದ್ಯಮ ಕ್ಷೇತ್ರದಲ್ಲಿ 30 ಲಕ್ಷ ಉದ್ಯೋಗಾವಕಾಶ ಸೃಷ್ಟಿಯಾಗಲಿದೆ~ ಎಂದು ಅವರು ತಿಳಿಸಿದರು.`ಡಿಸ್ನಿಲ್ಯಾಂಡ್ ರೀತಿಯ ಥೀಮ್ ಪಾರ್ಕ್‌ಗಳನ್ನು ದೇಶದಲ್ಲೂ ಸ್ಥಾಪಿಸಬೇಕಾಗಿದೆ. ಅಂತಹ ಪಾರ್ಕ್‌ಗಳು ಪ್ರವಾಸಿಗರನ್ನು ಆಕರ್ಷಿಸಲಿವೆ~ ಎಂದು ಅವರು ಹೇಳಿದರು.