ಮೂಡುಬಿದಿರೆ 15ರಿಂದ ಆಳ್ವಾಸ್ ವಿಜ್ಞಾನ ಸಿರಿ

ಮೂಡುಬಿದಿರೆ: ಆಳ್ವಾಸ್ ನುಡಿಸಿರಿ 2018ರ ಅಂಗವಾಗಿ ವಿದ್ಯಾಗಿರಿಯಲ್ಲಿ ಇದೇ 15ರಿಂದ 18ರವರೆಗೆ ಆಳ್ವಾಸ್ ವಿಜ್ಞಾನಸಿರಿ ನಡೆಯಲಿದ್ದು, ನಟಿ ವಿನಯಾ ಪ್ರಸಾದ್ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಿದ್ದಾರೆ.

ದೇಶದ ಹೆಸರಾಂತ ವಿಜ್ಞಾನ ಸಂಸ್ಥೆಗಳು ಮತ್ತು ವಿಶ್ವವಿದ್ಯಾಲಯಗಳ ವಿವಿಧ ಕಲಿಕಾ ಮಾದರಿಗಳು ವಿಜ್ಞಾನಸಿರಿಯಲ್ಲಿ ಅನಾವರಣಗೊಳ್ಳುತ್ತವೆ. ಪ್ರತಿಭಾನ್ವಿತ ಸಂಶೋಧನಾ ಪ್ರವೃತ್ತಿಯುಳ್ಳ ವಿದ್ಯಾರ್ಥಿಗಳಿಗೆ ತಮ್ಮ ಸಂಶೋಧನಾ ಪ್ರಾವಿಣ್ಯತೆಯನ್ನು ಪ್ರದರ್ಶನಕ್ಕಿಟ್ಟು ವಿಶಿಷ್ಟ ಪ್ರಶಸ್ತಿ ಗೆಲ್ಲುವ ಅಪರೂಪದ ಅವಕಾಶ ವಿಜ್ಞಾನ ಸಿರಿಯಲ್ಲಿದೆ.

ಆಳ್ವಾಸ್ ಶೋಭಾವನದ ಅಪರೂಪದ ಔಷಧೀಯ ಸಸ್ಯಗಳ ವೀಕ್ಷಣೆ,ಕಲಿಕೆಗೆ ಮುಕ್ತ ಅವಕಾಶವಿದೆ.

ಶಾಲಾ ಕಾಲೇಜು ವಿದ್ಯಾರ್ಥಿಗಳಿಗೆ ಮತ್ತು ಸಾರ್ವಜನಿಕರಿಗೆ ಉಚಿತ ಪ್ರವೇಶವಿದ್ದು, ಮತ್ತು ನುರಿತ ವಿಜ್ಞಾನಿಗಳೊಂದಿಗೆ ಸಂವಾದ ನಡೆಸುವ ಅಪರೂಪದ ಅವಕಾಶವಿದೆ ಎಂದು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಂ. ಮೋಹನ ಆಳ್ವ ತಿಳಿಸಿದ್ದಾರೆ.