ಸಿಎಂ ಭೇಟಿಗೆ ಶಾಸಕರು, ಸಂಸದರಿಗೆ ಪ್ರತ್ಯೇಕ ಸಮಯ

ಬೆಂಗಳೂರು: ಶಾಸಕರು ಮತ್ತು ಸಂಸದರು ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಅವರನ್ನು ಭೇಟಿ ಮಾಡಿ ಅರ್ಜಿ ಮತ್ತು ಅಹವಾಲುಗಳನ್ನು ಸಲ್ಲಿಸಲು ಪ್ರತ್ಯೇಕ ಸಮಯ ನಿಗದಿ ಮಾಡಲಾಗಿದೆ.

ವಾರದಲ್ಲಿ ಎರಡು– ಮೂರು ದಿನ ಶಾಸಕರು ನಿಗದಿ ಮಾಡಿದ ಸಮಯದಲ್ಲಿ ಬಂದು ಮುಖ್ಯಮಂತ್ರಿಯವರನ್ನು ಭೇಟಿ ಮಾಡಬಹುದು ಎಂದು ಮುಖ್ಯಮಂತ್ರಿ ಕಚೇರಿ ಮೂಲಗಳು ತಿಳಿಸಿವೆ.

ಈ ಹಿಂದೆ ಅದಕ್ಕಾಗಿ ಬೇರೆ ಸಮಯವನ್ನು ಗೊತ್ತು ಮಾಡಿರಲಿಲ್ಲ. ಶಾಸಕರು ಮತ್ತು ಸಂಸದರು ಯಾವ್ಯಾವುದೋ ಸಮಯದಲ್ಲಿ ಬಂದು ಅರ್ಜಿ ಕೊಡಲು ಬರುತ್ತಿದ್ದರು. ಇದನ್ನು ವ್ಯವಸ್ಥಿತವಾಗಿಸಲು ಹೊಸ ವ್ಯವಸ್ಥೆ ಇಂದಿನಿಂದ (ಮಂಗಳವಾರ)ಆರಂಭಿಸಲಾಗಿದೆ.