ಪ್ರವಾಸಕ್ಕೆ ಬಂದಿದ್ದ ಯುವಕ ಸಾವು

ಉಡುಪಿ: ಕುಟುಂಬದ ಸದಸ್ಯರೊಂದಿಗೆ ಧಾರ್ಮಿಕ ಕ್ಷೇತ್ರಗಳ ಪ್ರವಾಸಕ್ಕೆ ಬಂದಿದ್ದ ಯುವಕ ಮೂಡನಿಡಂಬೂರು ಬಳಿಯ ಸುಖಾನಂದ ಹೋಟೆಲ್‌ ಬಳಿ ಭಾನುವಾರ ಮೃತಪಟ್ಟಿದ್ದಾನೆ.‌

ಬೆಂಗಳೂರಿನ ಕೆ.ಜಿನಗರ ನಿವಾಸಿ ವಿನಯ್‌ಗೌಡ (16) ಮೃತ ಯುವಕ. ಬೆಳಿಗ್ಗೆ 8ರ ಸುಮಾರಿಗೆ ಪ್ರವಾಸಕ್ಕೆ ತಂದಿದ್ದ ಮಿನಿಬಸ್‌ನಲ್ಲಿ ವಿನಯ್‌ಗೌಡ ಅಸ್ವಸ್ಥರಾಗಿ ಕುಸಿದು ಬಿದ್ದಿದ್ದಾರೆ. ತಕ್ಷಣ ಅವರನ್ನು ಹೆಚ್ಚಿನ ಚಿಕಿತ್ಸೆಗೆ ಮಣಿಪಾಲದ ಕೆಎಂಸಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ಅಷ್ಟರಲ್ಲಿ ಮೃತಪಟ್ಟಿದ್ದಾರೆ.

ಈ ಸಂಬಂಧ ನಗರ ಠಾಣೆಯಲ್ಲಿ ಅಸ್ವಾಭವಿಕ ಸಾವು ಪ್ರಕರಣ ದಾಕಲಾಗಿದೆ.