ಆತ್ಮ ನಿರ್ಭರ ದೇಶವಾಗಲಿರುವ ಭಾರತ: ದ್ರೌಪದಿ ಮುರ್ಮು

ಹುಬ್ಬಳ್ಳಿ: 2046ರ ವೇಳೆಗೆ ಸ್ವಾತಂತ್ರ್ಯದ ಶತಾಬ್ದಿ ವರ್ಷಾಚರಣೆ ವೇಳೆ ಭಾರತವು ವಿಕಸಿತ- ಆತ್ಮ‌ನಿರ್ಭರ ದೇಶವಾಗಲಿದೆ ಎಂದು ರಾಷ್ಟ್ರಪತಿ ದ್ರೌಪದಿ ಮುರ್ಮು ಪ್ರತಿಪಾದಿಸಿದರು.

ಹುಬ್ಬಳ್ಳಿ- ಧಾರವಾಡ ಮಹಾನಗರ ಪಾಲಿಕೆ ಹುಬ್ಬಳ್ಳಿಯ ಜಿಮ್ಖಾನಾ ಸಭಾಂಗಣದಲ್ಲಿ ಸೋಮವಾರ ಆಯೋಜಿಸಿದ ಪೌರ ಸನ್ಮಾನ ಸ್ವೀಕರಿಸಿ ಅವರು ಮಾತನಾಡಿದರು.

ಓಡಿಸ್ಸಾದ ಸಾಮಾನ್ಯ ಕುಟುಂಬದ ನನಗೆ ಸನ್ಮಾನಿಸುವ ಮೂಲಕ‌ ಹುಬ್ಬಳ್ಳಿ- ಧಾರವಾಡ ಜನತೆ ರಾಷ್ಟ್ರಪತಿ ಅವರಿಗಷ್ಟೆ ಅಲ್ಲ, ದೇಶದ ಎಲ್ಲ ಹೆಣ್ಣುಮಕ್ಕಳಿಗೆ ಸನ್ಮಾನಿಸಿದ್ದಾರೆ ಎಂದು ಪ್ರಶಂಸಿಸಿದರು.