ಮೈಸೂರು– ರೇವಾ ನಡುವೆ ವಿಶೇಷ ರೈಲು

ಮೈಸೂರು: ಮೈಸೂರು ಹಾಗೂ ಮಧ್ಯಪ್ರದೇಶದ ರೇವಾ ಪಟ್ಟಣದ ನಡುವೆ ವಿಶೇಷ ವಾರದ ರೈಲನ್ನು ನೈರುತ್ಯ ರೈಲ್ವೆ ಪರಿಚಯಿಸಿದೆ.

ಜೂನ್‌ 28ರಿಂದ ಜುಲೈ 22ರ ವರೆಗೆ ಈ ರೈಲು ಸಂಚರಿಸಲಿದೆ. ಮೈಸೂರಿನಿಂದ ಜೂನ್‌ 28, ಜುಲೈ 5, 12, 19ರಂದು, ರೇವಾ ಪಟ್ಟಣದಿಂದ ಜುಲೈ 1, 8, 15 ಹಾಗೂ 22ರಂದು ಸಂಚರಿಸಲಿದೆ.

ಮೈಸೂರು ನಿಲ್ದಾಣದಿಂದ ಹೊರಟು ಮಂಡ್ಯ, ಕೆಂಗೇರಿ, ಬೆಂಗಳೂರು ರೈಲು ನಿಲ್ದಾಣ, ಯಶವಂತಪುರ, ತುಮಕೂರು, ಅರಸೀಕೆರೆ, ಕಡೂರು, ಚಿತ್ರದು‌ರ್ಗ, ಬಳ್ಳಾರಿ, ಗುಂತಕಲ್‌, ಅದೋನಿ, ಮಂತ್ರಾಲಯ ರೋಡ್, ರಾಯಚೂರು, ಕೃಷ್ಣಾ, ಯಾದಗಿರಿ, ವಾಡಿ, ಕಲಬುರ್ಗಿ ಮೂಲಕ ಮಹಾರಾಷ್ಟ್ರ, ಮಧ್ಯಪ್ರದೇಶದಲ್ಲಿ ಸಂಚರಿಸಿ ರೇವಾ ತಲುಪಲಿವೆ ಎಂದು ಪ್ರಕಟಣೆ ತಿಳಿಸಿದೆ.