ವರ್ಗಾವಣೆ: ಮತ್ತೆ ಪರಿಷ್ಕೃತ ವೇಳಾಪಟ್ಟಿ

ಬೆಂಗಳೂರು: ಸರ್ಕಾರಿ ಪ್ರಾಥಮಿಕ ಶಾಲಾ ಶಿಕ್ಷಕ ವೃಂದದ ಅಂತರ ಘಟಕ ವರ್ಗಾವಣಾ ಕೌನ್ಸೆಲಿಂಗ್‌ಗೆ ಗುರುವಾರ ಪುನರ್ ಪರಿಷ್ಕೃತ ವೇಳಾಪಟ್ಟಿ ಪ್ರಕಟಿಸಲಾಗಿದೆ.

‘ತಾಂತ್ರಿಕ ಅಡಚಣೆಯಿಂದ ನಿಗದಿತ ವೇಳಾಪಟ್ಟಿಯಂತೆ ಕೌನ್ಸೆಲಿಂಗ್‌ ಕ್ರಮ ನಡೆಸಲಾಗುತ್ತಿಲ್ಲ. ಹೊಸ ವೇಳಾಪಟ್ಟಿಯಂತೆ ಶಿಕ್ಷಕರು ಕೌನ್ಸೆಲಿಂಗ್‌ಗೆ ಹಾಜರಾಗಬೇಕು. ಅನಿವಾರ್ಯ ಕಾರಣಗಳಿಂದ ಕ್ರಮಸಂಖ್ಯೆಯಂತೆ ಕೌನ್ಸೆಲಿಂಗ್‌ ನಡೆಯದಿದ್ದರೆ ಬದಲಾದ ದಿನಾಂಕವನ್ನು ತಕ್ಷಣ ಪ್ರಕಟಿಸಲಾಗುವುದು’ ಎಂದು ಪ್ರಾಥಮಿಕ ಶಿಕ್ಷಣ ಇಲಾಖೆಯ ನಿರ್ದೇಶಕರ ಪ್ರಕಟಣೆ ತಿಳಿಸಿದೆ.

ಇದೇ 20ರಂದು 1,001ರಿಂದ 1,250 ಕ್ರಮಸಂಖ್ಯೆವರೆಗಿನ (ನಾಲ್ಕೂ ವಿಭಾಗಗಳು ಸೇರಿ) ಶಿಕ್ಷಕರು ಹಾಗೂ 21ರಂದು 1,251ರಿಂದ 1,500 ಕ್ರಮಸಂಖ್ಯೆವರೆಗಿನ ಶಿಕ್ಷಕರು ಕೌನ್ಸೆಲಿಂಗ್‌ಗೆ ಹಾಜರಾಗಬೇಕು. 11,340 ಕ್ರಮಸಂಖ್ಯೆಯವರೆಗೆ ಶಿಕ್ಷಕರಿಗೆಕೌನ್ಸೆಲಿಂಗ್‌ ನಡೆಯಲಿದ್ದು, ಉಳಿದವರ ಕೌನ್ಸೆಲಿಂಗ್‌ ದಿನಾಂಕವನ್ನು ಬಳಿಕ ಪ್ರಕಟಿಸಲಾಗುವುದು ಎಂದು ತಿಳಿಸಲಾಗಿದೆ.