ಅಮೆರಿಕ: ಗರಿಷ್ಠ ಮಿತಿ ತಲುಪಿದ ಎಚ್–1ಬಿ ವೀಸಾ

ವಾಷಿಂಗ್ಟನ್: 2019ರ ಆರ್ಥಿಕ ವರ್ಷದಲ್ಲಿ ನೀಡುವ ಎಚ್–1ಬಿ ವೀಸಾ ಮಿತಿಯನ್ನು 65,000ಕ್ಕೆ ನಿಗದಿಗೊಳಿಸಿದ್ದು, ಈಗಾಗಲೇ ಈ ಗಡಿ ತಲುಪಿದೆ ಎಂದು ಅಮೆರಿಕ ನಾಗರಿಕ ಮತ್ತು ವಲಸೆ ವಿಭಾಗ (ಯುಎಸ್‌ಸಿಐಎಸ್) ಹೇಳಿದೆ.

ಅರ್ಹರ ಆಯ್ಕೆ ಮಾಡಲು ಲಾಟರಿ ಪದ್ಧತಿ ಅನುಸರಿಸಲಾಗುವುದು’ ಎಂದು ಯುಎಸ್‌ಸಿಐಎಸ್ ತಿಳಿಸಿದೆ. 2018ರ ಅಕ್ಟೋಬರ್ 1ರಿಂದ ಆರ್ಥಿಕ ವರ್ಷ ಆರಂಭವಾಗುತ್ತದೆ.

ಕೌಶಲ ಆಧರಿತ ಉದ್ಯೋಗ ಅರಸಿ ಬೇರೆ ದೇಶಗಳಿಂದ ಅಮೆರಿಕಕ್ಕೆ ಬರುವ ಅಭ್ಯರ್ಥಿಗಳಿಗೆ ಎಚ್–1ಬಿ ವೀಸಾ ನೀಡಲಾಗುತ್ತದೆ. ಭಾರತ, ಚೀನಾದ ಅಭ್ಯರ್ಥಿಗಳು ಇದರ ಹೆಚ್ಚಿನ ಫಲಾನುಭವಿಗಳು.