ಅಮೆರಿಕ ಸೈನಿಕರಿಂದ 17 ಜನರ ಹತ್ಯೆ

ಮಾಸ್ಕೊ (ಐಎಎನ್‌ಎಸ್/ಆರ್‌ಐಎ): ಆಫ್ಘಾನಿಸ್ತಾನದ ದಕ್ಷಿಣ ಭಾಗದ ಕಂದಹಾರ ಪ್ರಾಂತದಲ್ಲಿ ಅಮೆರಿಕದ ಸೈನಿಕರು ಭಾನುವಾರ 17 ಜನರನ್ನು ಹತ್ಯೆಗೈದಿದ್ದಾರೆ ಎಂದು ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಅಮೆರಿಕ ಸೇನಾ ನೆಲೆಗೆ ಬಂದ ಸೈನಿಕರು ನಾಗರಿಕರ ಮೇಲೆ ಗುಂಡು ಹಾರಿಸಿದರು. ಘಟನೆಯಲ್ಲಿ ಹಲವರಿಗೆ ಗಾಯಗಳಾಗಿವೆ ಎಂದು ಪ್ರಾಂತದ ರಾಜ್ಯಪಾಲ ಟ್ಯೂರ್ಯಲೈ ವೆಸಾ ಹೇಳಿದ್ದಾರೆ. ಆದರೆ ನಿಖರ ಅಂಕಿ ಅಂಶಗಳನ್ನು ಅವರು ನೀಡಲಿಲ್ಲ.