ಚೀನಾದಲ್ಲಿ ಉಗ್ರರ ದಾಳಿಗೆ 27 ಸಾವು

ಬೀಜಿಂಗ್‌(ಪಿಟಿಐ): ಚೀನಾದ ಕುನ್ಮಿಂಗ್‌ ನಗರದಲ್ಲಿ ಶನಿವಾರ ನಡೆದ  ಭಯೋತ್ಪಾದಕ ದಾಳಿಯಲ್ಲಿ 27 ಮಂದಿ ಮೃತಪಟ್ಟು 109 ಜನ ಗಾಯಗೊಂಡಿದ್ದಾರೆ.

‘ಚಾಕು ಹಿಡಿದು ಬಂದಿದ್ದ ಅಪರಿಚಿತ ವ್ಯಕ್ತಿಗಳು ರಾತ್ರಿ ಸುಮಾರು 9 ಗಂಟೆ ಹೊತ್ತಿಗೆ ಯುನಾನ್‌ ಪ್ರಾಂತ್ಯದ ಕುನ್ಮಿಂಗ್‌ ರೈಲ್ವೆ ನಿಲ್ದಾಣಕ್ಕೆ ನುಗ್ಗಿ ಈ ಘೋರ ದಾಳಿ ನಡೆಸಿದರು’ ಎಂದು ಪೊಲೀಸರು ತಿಳಿಸಿದ್ದಾರೆ.

‘ಇದೊಂದು ಯೋಜಿತ ದಾಳಿ’ ಎಂದು  ಕ್ಸಿನ್ಹುವಾ ಸುದ್ದಿ ಸಂಸ್ಥೆ ತಿಳಿಸಿದೆ.