ಡಾ. ಜೈಮಿನಿ ಭಗವತಿ: ಬ್ರಿಟನ್ ಹೈಕಮಿಷನರ್

ಲಂಡನ್(ಪಿಟಿಐ): ಖ್ಯಾತ ಅರ್ಥಶಾಸ್ತ್ರಜ್ಞ ಹಾಗೂ ಹಿರಿಯ ರಾಜತಂತ್ರಜ್ಞ ಡಾ. ಜೈಮಿನಿ ಭಗವತಿ ಅವರು ಬ್ರಿಟನ್‌ನಲ್ಲಿ ಭಾರತದ ನೂತನ ಹೈ ಕಮಿಷನರ್ ಆಗಿ ಅಧಿಕಾರ ವಹಿಸಿಕೊಂಡಿದ್ದಾರೆ.

1976ರ  ತಂಡದ  ಐಎಫ್‌ಎಸ್ (ಭಾರತೀಯ ವಿದೇಶಾಂಗ ಸೇವೆ) ಅಧಿಕಾರಿ ಭಗವತಿ, ಹಣಕಾಸು ಮತ್ತು ಭೌತಶಾಸ್ತ್ರದಲ್ಲಿ ಪಿಎಚ್.ಡಿ ಪದವಿ ಪಡೆದಿದ್ದಾರೆ.

ಭಾರತೀಯ ವಿದೇಶಾಂಗ ಇಲಾಖೆಯಲ್ಲಿ ಹಲವು ಉನ್ನತ ಮಟ್ಟದ  ಹುದ್ದೆಗಳನ್ನು ನಿರ್ವಹಿಸಿದ ಅನುಭವ ಹೊಂದಿರುವ ಭಗವತಿ, ಐರೋಪ್ಯ ದೇಶಗಳು ಹಾಗೂ ಬೆಲ್ಜಿಯಂ ಮತ್ತು ಲಕ್ಸಂಬರ್ಗ್‌ನಲ್ಲಿ ಭಾರತೀಯ ರಾಯಭಾರಿಯಾಗಿ ಸೇವೆ ಸಲ್ಲಿಸಿದ್ದಾರೆ.