ದುಬೈನಲ್ಲಿ ತಾಜ್‌ಮಹಲ್ ಪ್ರತಿಕೃತಿ ನಿರ್ಮಾಣ

ದುಬೈ (ಪಿಟಿಐ): ಅಮರ ಪ್ರೇಮದ ಸಂಕೇತವಾದ ಆಗ್ರಾದ ತಾಜ್ ಮಹಲ್‌ನ ಪಡಿಯಚ್ಚು 5400 (100 ಕೋಟಿ ಡಾಲರ್) ಕೋಟಿ ರೂಪಾಯಿ ವೆಚ್ಚದಲ್ಲಿ ದುಬೈನಲ್ಲಿ ನಿರ್ಮಾಣವಾಗುತ್ತಿದ್ದು, 2014ರಲ್ಲಿ ನಿರ್ಮಾಣ ಕಾರ್ಯ ಪೂರ್ಣಗೊಳ್ಳಲಿದೆ.

ಈ ಪ್ರತಿರೂಪ ಆಗ್ರಾದಲ್ಲಿರುವ ತಾಜ್‌ಮಹಲ್‌ಗಿಂತ ನಾಲ್ಕು ಪಟ್ಟು ದೊಡ್ಡದಿರುತ್ತದೆ ಎಂದು ಹೇಳಲಾಗಿದೆ.
ಹತ್ತು ಲಕ್ಷ ಚದರ ಅಡಿಯಲ್ಲಿ ನಿರ್ಮಾಣವಾಗುತ್ತಿರುವ ಈ ಪ್ರತಿರೂಪವನ್ನು ವಾಣಿಜ್ಯ ಉದ್ದೇಶದಿಂದ ನಿರ್ಮಿಸಲಾಗುತ್ತಿದ್ದು, 300 ಹೋಟೆಲ್ ಕೊಠಡಿಗಳು, ಚಿನ್ನಾಭರಣ ಮಳಿಗೆಗಳು ಸೇರಿದಂತೆ ಇತರ ಮಳಿಗೆಗಳು ಇರುತ್ತವೆ ಎಂದು ಇದರ ನಿರ್ಮಾಣದ ಜವಾಬ್ದಾರಿ ಹೊತ್ತಿರುವ ಲಿಂಕ್ ಗ್ಲೋಬಲ್ ಹೇಳಿದೆ.