‘ಪಾಕ್‌ಗೆ ಸದ್ಯಕ್ಕೆ ಆರ್ಥಿಕ ನೆರವಿಲ್ಲ’

ವಾಷಿಂಗ್ಟನ್: ತಾಲಿಬಾನ್‌ ಉಗ್ರರು ಮತ್ತು ಹಖಾನಿ ಉಗ್ರ ಸಂಘಟನೆಯ ವಿರುದ್ಧ ಪಾಕಿಸ್ತಾನ ಇನ್ನೂ ಯಾವುದೇ ಕ್ರಮ ಕೈಗೊಳ್ಳದೆ ಇರುವುದರಿಂದ ಸೇನಾ ನೆರವು ಸ್ಥಗಿತಗೊಳಿಸಿರುವುದನ್ನು ಮುಂದುವರಿಸುತ್ತೇವೆ ಎಂದು ಅಮೆರಿಕದ ಕೇಂದ್ರ ಕಮಾಂಡ್‌ನ ಕಮಾಂಡರ್‌ ಜನರಲ್‌ ಜೋಸೆಫ್ ವೊಟೆಲ್ ತಿಳಿಸಿದ್ದಾರೆ.

‘ಇದು ಸದ್ಯದ ಪರಿಸ್ಥಿತಿ. ಆದರೆ ಭವಿಷ್ಯದಲ್ಲಿಯಾದರೂ ಸೂಕ್ತ ಕ್ರಮ ಕೈಗೊಳ್ಳಲು ಪಾಕಿಸ್ತಾನಕ್ಕೆ ಅವಕಾಶವಿದೆ’ ಎಂದು ಸೆನೆಟ್‌ ಸೇನಾ ಸೇವೆಗಳ ಸಮಿತಿ ಸಭೆಯಲ್ಲಿ ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.