ಪೋಲಿಯೊ ಚುಚ್ಚುಮದ್ದು ಕಡ್ಡಾಯ

ಇಸ್ಲಾಮಾಬಾದ್‌ (ಪಿಟಿಐ): ಭಾರತವು ತನ್ನ ಪೋಲಿಯೊ ಮುಕ್ತ ರಾಷ್ಟ್ರ ಸ್ಥಾನ­ಮಾನ ಸಂರಕ್ಷಿಸುವ ನಿಟ್ಟಿನಲ್ಲಿ ಪಾಕಿಸ್ತಾ­ನ­ದಿಂದ ದೇಶ ಪ್ರವೇಶಿ­ಸುವ ಪ್ರತಿ­ಯೊಬ್ಬ­ರಿಗೂ ಈ ತಿಂಗಳ 15­ರಿಂದ ಪೋಲಿಯೊ ನಿರೋಧಕ ಚುಚ್ಚು­ಮದ್ದು ಪ್ರಮಾಣಪತ್ರ ಸಲ್ಲಿಕೆ ಕಡ್ಡಾಯ ಮಾಡಿದೆ.

ಮಾರ್ಚ್‌ 15ರ ನಂತರ ಭಾರತಕ್ಕೆ ಭೇಟಿ ನೀಡುವ ಪಾಕಿಸ್ತಾನಿಯರು ತಮ್ಮ ವೀಸಾ­ದೊಂದಿಗೆ ಪೋಲಿಯೊ ಚುಚ್ಚು­ಮದ್ದು ಅಳ­ವಡಿಕೆ ಪ್ರಮಾಣಪತ್ರವನ್ನೂ ಸಲ್ಲಿ­ಸ­ಬೇಕಿದ್ದು, ಸ್ವದೇಶಕ್ಕೆ ಮರಳುವಾಗ ಅದನ್ನು ಹಿಂತಿರುಗಿಸಲಾಗುತ್ತದೆ ಎಂದು ಭಾರತೀಯ ಹೈಕಮಿಷನ್‌ ಮಂಗಳ­­ವಾರ ಇಲ್ಲಿ ಪ್ರಕಟಿಸಿದೆ.