ಫೇಸ್‌ಬುಕ್‌ ಪ್ರತಿಕ್ರಿಯೆ ಪರಿಹಾರ ರದ್ದು..!

ವಾಷಿಂಗ್ಟನ್‌(ಪಿಟಿಐ): ತಂದೆಗೆ ಬರ­ಬೇಕಿದ್ದ 80,000 ಡಾಲರ್‌ (ಸುಮಾರು 49ಲಕ್ಷ ರೂಪಾಯಿ) ಪರಿಹಾರದ ವಿವರವನ್ನು ಪುತ್ರಿ­  ಫೇಸ್‌­­ಬುಕ್‌ನಲ್ಲಿ  ಪ್ರಕಟಿಸಿ­ದ್ದ­ರಿಂದ ಆ ಪರಿಹಾರದ ಮೊತ್ತ ರದ್ದು­ಗೊಂಡ ಘಟನೆ ಅಮೆರಿಕ­ದಲ್ಲಿ ನಡೆದಿದೆ.

ಫ್ಲಾರಿಡಾದ ಗಲಿವರ್‌ ಶಾಲೆಯ ನಿವೃತ್ತ ಮುಖ್ಯೋ­ಪಾಧ್ಯಾಯ ಪ್ಯಾಟ್ರಿಕ್‌ ಸ್ನೆ (69) ಅವರಿಗೆ  ವಯಸ್ಸಿನ ತಾರ­ತಮ್ಯದ ಪ್ರಕರಣದಲ್ಲಿ, ಶಾಲೆ ಹಣ ಪಾವತಿಸುವ  ಕುರಿತು ರಹಸ್ಯ ಮಾತುಕತೆ ನಡೆದಿತ್ತು. ಸ್ನೆ ಪುತ್ರಿ ಡಾನಾ ಫೇಸ್‌ಬುಕ್‌ನಲ್ಲಿ ಈ ವಿವರ ಪ್ರಕಟಿಸಿದ್ದಳು.  ಒಪ್ಪಂದ­ವನ್ನು ಬಹಿರಂಗ­ಪಡಿಸಿ­ರುವುದರ ವಿರುದ್ಧ ಶಾಲೆ ಆಕ್ಷೇಪ ವ್ಯಕ್ತ­ಪಡಿಸಿದ್ದರಿಂದ, ಕೋರ್ಟ್‌ ಈಗ ಪರಿ­ಹಾರ­ ರದ್ದುಗೊಳಿಸಿದೆ.