ಭಾರಿ ಮಳೆ: 94 ಮಂದಿ ಬಲಿ

ಢಾಕಾ(ಪಿಟಿಐ): ನೈರುತ್ಯ ಬಾಂಗ್ಲಾದಲ್ಲಿ ಭಾರಿ ಮಳೆಯಿಂದ ಸಂಭವಿಸಿದ ಭೂಕುಸಿತ ಮತ್ತು ವಿದ್ಯುತ್ ಅವಘಡಗಳಿಂದ  94 ಮಂದಿ ಸತ್ತಿರುವ ಘಟನೆ ವರದಿಯಾಗಿದೆ.ಮಳೆಯಿಂದ ಹಾಗೂ ಭೂ ಕುಸಿತದಿಂದ  ಸಾವಿರಾರು ಮಂದಿ ನಿರಾಶ್ರಿತರಾಗಿದ್ದು ರೈಲು ಹಾಗೂ ರಸ್ತೆ ಸಂಚಾರ ವ್ಯವಸ್ಥೆ ಸಂಪೂರ್ಣವಾಗಿ ಅಸ್ತವ್ಯಸ್ತವಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಚಿತ್ತಗಾಂಗ್‌ನ ಶಾಹ ಅಮಂತ್ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ರನ್‌ವೇ ನೀರಿನಲ್ಲಿ ಮುಳುಗಡೆಯಾಗಿದ್ದು ಸ್ಥಳೀಯ ಹಾಗೂ ಅಂತರರಾಷ್ಟ್ರೀಯ ವಿಮಾನಗಳ ಹಾರಾಟವನ್ನು ರದ್ದು ಮಾಡಲಾಗಿದೆ. ಢಾಕಾ ಮತ್ತು ನೈರುತ್ಯ ಬಾಂಗ್ಲಾಕ್ಕೆ  ಸಂಪರ್ಕ ಕಲ್ಪಿಸುವ ಪ್ರಮುಖ ರೈಲ್ವೆ ಸೇತುವೆಗಳು ಮಳೆ ನೀರಿನಿಂದ ಹಾನಿಗೊಂಡಿದ್ದು, ಸಂಪರ್ಕ ಕಡಿತಗೊಂಡಿದೆ.