ಮಾದಕ ವಸ್ತು ಕಳ್ಳಸಾಗಣೆ: ಆರೋಪಿಗೆ 25 ವರ್ಷ ಜೈಲು

ಸ್ಯಾನ್ ಡಿಯಾಗೊ (ಐಎಎನ್‌ಎಸ್): ಮೆಕ್ಸಿಕೊದ ಕುಖ್ಯಾತ ಮಾದಕವಸ್ತುಗಳ ಕಳ್ಳಸಾಗಣೆದಾರ ಬೆಂಜಮಿನ್ ಆರಲೆನೊ ಫೆಲಿಕ್ಸ್‌ಗೆ ಅಮೆರಿಕದ ಫೆಡರಲ್ ಕೋರ್ಟ್ ಸೋಮವಾರ 25 ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ.

ಕಳೆದ ವರ್ಷವಷ್ಟೇ ಫೆಲಿಕ್ಸ್ 9 ವರ್ಷಗಳ ಶಿಕ್ಷೆ ಪೂರೈಸಿದ್ದು ಆತನ ಮೇಲ್ಮನವಿಯನ್ನು ಅಮೆರಿಕದ ಕೋರ್ಟ್ ತಿರಸ್ಕರಿಸಿತ್ತು. ಮತ್ತೊಬ್ಬ ಮಾದಕವಸ್ತುಗಳ ಕಳ್ಳ ಸಾಗಣೆದಾರ ಜೀಸಸ್ ಲಾಬ್ರಾ ಎವಿಲಿಸ್ ಎಂಬಾತನಿಗೂ 2010ರಲ್ಲಿ 40 ವರ್ಷ ಶಿಕ್ಷೆ ವಿಧಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು.