ಲಂಡನ್ : ಯುವರಾಜ ವಿಲಿಯಂ ಮತ್ತು ಕೇಟ್ ಮಿಡ್ಲ್ಟನ್ ದಂಪತಿಗೆ ಈಚೆಗೆ ಜನಿಸಿದ ಮೂರನೆ ಮಗು ಲೂಯಿಸ್ನ ಭಾವಚಿತ್ರವನ್ನು ರಾಜಮನೆತನವು ಭಾನುವಾರ ಬಿಡುಗಡೆ ಮಾಡಿದೆ.
ಕೆನ್ಸಿಂಗ್ಟನ್ ಅರಮನೆಯ ನಿವಾಸದಲ್ಲಿ ಮಿಡ್ಲ್ಟನ್ ಸೆರೆ ಹಿಡಿದಿರುವ ಭಾವಚಿತ್ರಗಳು ಇವಾಗಿವೆ. ಒಂದು ಚಿತ್ರದಲ್ಲಿ ಈ ದಂಪತಿಯ ಮೂರು ವರ್ಷದ ಮಗಳು ಚಾರ್ಲೊಟ್, ಮಲಗಿರುವ ಲೂಯಿಸ್ಗೆ ಮುತ್ತಿಡುತ್ತಿರುವ ದೃಶ್ಯವಿದ್ದು, ಇದನ್ನು ಮೇ 2ರಂದು ಸೆರೆ ಹಿಡಿಯಲಾಗಿದೆ. ಇನ್ನೊಂದರಲ್ಲಿ ಆ ಮಗು ಕಣ್ಣು ಬಿಟ್ಟು ಎತ್ತಲೋ ನೋಡುತ್ತಿದ್ದು, ಅದು ಏಪ್ರಿಲ್ 26ರಂದು ಸೆರೆಹಿಡಿದ ಭಾವಚಿತ್ರವಾಗಿದೆ.
‘ಚಾರ್ಲೊಟ್ ಮತ್ತು ಲೂಯಿಸ್ ಅವರ ಭಾವಚಿತ್ರಗಳನ್ನು ಹಂಚಿಕೊಳ್ಳಲು ಸಂತಸವಾಗುತ್ತಿದೆ’ ಎಂದು ಅರಮನೆಯ ಪ್ರಕಟಣೆ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.