ಲಂಡನ್: ಭಾರತೀಯನಿಗೆ ಜೈಲು

ಪ್ರಜಾವಾಣಿ ವಾರ್ತೆ

Published 3 ಫೆಬ್ರುವರಿ 2011, 6:30 IST

ಲಂಡನ್ (ಪಿಟಿಐ): ಬ್ರಿಟನ್ನಿನಲ್ಲೇ ಉಳಿಯುವ ಸಲುವಾಗಿ ವಲಸೆ ನಿಯಮಗಳನ್ನು ಉಲ್ಲಂಘಿಸಿ ನಕಲಿ ಮದುವೆಯಾಗಲು ಹೊರಟಿದ್ದ ಭಾರತೀಯನೊಬ್ಬನಿಗೆ ಇಲ್ಲಿನ ನ್ಯಾಯಾಲಯವೊಂದು 16 ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ.

ಶಿಕ್ಷೆಗೊಳಗಾದ ವ್ಯಕ್ತಿ ಯಾರೆಂಬುದು ಇನ್ನೂ ಗೊತ್ತಾಗಿಲ್ಲ. ಈತನನ್ನು ವರಿಸಲು ಮುಂದಾಗಿದ್ದ ಮಹಿಳೆಗೂ ನ್ಯಾಯಾಲಯ 14 ತಿಂಗಳ ಸೆರೆವಾಸ ವಿಧಿಸಿದೆ.

ಕಳ್ಳಸಾಗಣೆ, ಅಕ್ರಮ ಚಟುವಟಿಕೆ ಹಾಗೂ ನಕಲಿ ಮದುವೆಗಳ ಮೇಲೆ ಬ್ರಿಟನ್ನಿನ ಗಡಿ ಭದ್ರತಾ ಜಾರಿ ನಿರ್ದೇಶನಾಲಯ ಹದ್ದಿನ ಕಣ್ಣಿರಿಸಿದ್ದು, ಇಂತಹ ಪ್ರಕರಣಗಳನ್ನು ಬಹಳ ಗಂಭೀರವಾಗಿ ಪರಿಗಣಿಸುತ್ತಿದೆ. ನಕಲಿ ಮದುವೆಗಳನ್ನು ಪತ್ತೆ ಹಚ್ಚುವ ಸಲುವಾಗಿ ಚರ್ಚ್‌ಗಳ ಹಾಗೂ ನೋಂದಣಾಧಿಕಾರಿಗಳ ನೆರವನ್ನೂ ನಿರ್ದೇಶನಾಲಯ ಪಡೆಯುತ್ತಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ಲಂಡನ್: ಭಾರತೀಯನಿಗೆ ಜೈಲು

ಇದನ್ನೂ ಓದಿ