ವಿಮಾನದಲ್ಲಿಸ್ಥೂಲದೇಹಿಗಳಿಗೆ ಅಗಲದ ಆಸನ!

ಲಂಡನ್ (ಪಿಟಿಐ): ಸ್ಥೂಲಕಾಯದ ಪ್ರಯಾಣಿಕರ ಸಂಖ್ಯೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಜನಪ್ರಿಯ ಎ-320 ಜೆಟ್‌ಗಳ ಆಸನಗಳ ಅಗಲ ಹೆಚ್ಚಿಸಲು ವಿಮಾನ ತಯಾರಿಕಾ ಕಂಪೆನಿ ಏರ್‌ಬಸ್~ ನಿರ್ಧರಿಸಿದೆ.

ಆದರೆ, ಮರುವಿನ್ಯಾಸದ ನಂತರವೂ ವಿಮಾನದ ಆಸನಗಳ ಸಂಖ್ಯೆ ಮುಂಚಿನಷ್ಟೇ ಇರಲಿದೆ. ಅಂದರೆ, ಸ್ಥೂಲದೇಹಿಗಳಿಗಾಗಿ ತೆಳ್ಳಗಿನ ಕಾಯದವರು ಸ್ವಲ್ಪ ತ್ಯಾಗ ಮಾಡಬೇಕಾಗುತ್ತದೆ! ಈ ಮುಂಚೆ ವಿಮಾನದ ಪ್ರತಿ ಸಾಲಿನಲ್ಲಿ ತಲಾ 18 ಇಂಚು ಅಗಲದ ಮೂರು ಸೀಟುಗಳು ಇರುತ್ತಿದ್ದವು. ಈಗ ಸ್ಥೂಲದೇಹಿಗಳಿಗಾಗಿ ಒಂದು ಸೀಟಿನ ಅಗಲವನ್ನು 20 ಇಂಚಿಗೆ ಹೆಚ್ಚಿಸಿ, ಉಳಿದ ಎರಡು ಸೀಟುಗಳ ಅಗಲವನ್ನು ತಲಾ 17 ಇಂಚಿಗೆ ತಗ್ಗಿಸಲಾಗುವುದು.