ವಿಮಾನ ತುರ್ತು ಭೂಸ್ಪರ್ಶ: ನಾಲ್ವರಿಗೆ ಗಾಯ

ಲಂಡನ್ (ಎಎಫ್‌ಪಿ): ಅಮೆರಿಕಕ್ಕೆ ತೆರಳುತ್ತಿದ್ದ ವರ್ಜಿನ್ ಅಟ್ಲಾಂಟಿಕ್ ಜೆಟ್ ವಿಮಾನದಲ್ಲಿ ಬೆಂಕಿ ಕಾಣಿಸಿಕೊಂಡ ಕಾರಣ ಪೈಲಟ್ ತುರ್ತು ಭೂಸ್ಪರ್ಶ ಮಾಡಿದ್ದರಿಂದ ನಾಲ್ವರು ಪ್ರಯಾಣಿಕರು ಗಾಯಗೊಂಡಿರುವ ಘಟನೆ ಇಲ್ಲಿನ ಗಾಟ್‌ವಿಕ್ ವಿಮಾನ ನಿಲ್ದಾಣದಲ್ಲಿ ಸೋಮವಾರ ನಡೆದಿದೆ.

ವಿಮಾನವನ್ನು ರನ್‌ವೇ ನಲ್ಲಿ ನಿಲ್ಲಿಸಿದ ಕಾರಣ ಸುಮಾರು ಎರಡು ತಾಸು ವಿಮಾನ ನಿಲ್ದಾಣವನ್ನು ಮುಚ್ಚಲಾಗಿತ್ತು.ಅಮೆರಿಕದ ಒರ್ಲಾಂಡೊಗೆ ಹೊರಟಿದ್ದ ಏರ್‌ಬಸ್ ಎ330 ವಿಮಾನದಲ್ಲಿ 299 ಪ್ರಯಾಣಿಕರು ಹಾಗೂ 13 ಮಂದಿ ಸಿಬ್ಬಂದಿ ಇದ್ದರು.

ವಿಮಾನದ ಯಾವ ಭಾಗದಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು ಎಂದು ವಿಮಾನಯಾನ ಸಂಸ್ಥೆ ಸ್ಪಷ್ಟಪಡಿಸಿಲ್ಲ. ಆದರೆ ನಾಲ್ವರು ಪ್ರಯಾಣಿಕರಿಗೆ ಸಣ್ಣಪುಟ್ಟ ಗಾಯಗಳಾಗಿರುವುದನ್ನು ಖಚಿತಪಡಿಸಿದೆ.