ವಿವಿಧ ದೇಶಗಳಲ್ಲಿ ಯೋಗ ದಿನಾಚರಣೆ

ವಾಷಿಂಗ್ಟನ್‌ (ಪಿಟಿಐ/ಎಎಫ್‌ಪಿ): ಅಮೆರಿಕ, ಚೀನಾ, ನೇಪಾಳ ಸೇರಿದಂತೆ ಹಲವು ರಾಷ್ಟ್ರಗಳಲ್ಲಿ ಭಾನುವಾರ ಅಂತರರಾಷ್ಟ್ರೀಯ ಯೋಗ ದಿನ ಆಚರಿಸಲಾಯಿತು.

ಲಿಬರ್ಟಿ ಪ್ರತಿಮೆ ಸಮೀಪದ ಗವರ್ನರ್ಸ್‌ ಐಲ್ಯಾಂಡ್‌ನಲ್ಲಿ ಭಾರತದ ಕಾನ್ಸುಲೆಟ್‌ ಜನರಲ್‌ ಕಚೇರಿ ವತಿಯಿಂದ ಯೋಗ ದಿನಾಚರಣೆ ಆಯೋಜಿಸಲಾಗಿತ್ತು.

‘ನಿಮ್ಮ ಬದುಕಿಗಾಗಿ ಯೋಗ’ ಎಂಬ ಹೆಸರಿನಲ್ಲಿ ಎರಡು ಗಂಟೆ ಕಾರ್ಯಕ್ರಮ ನಡೆಯಿತು. ಸೂರ್ಯ ನಮಸ್ಕಾರ, ಪ್ರಾಣಾಯಾಮ, ಉಸಿರಾಟದ ವ್ಯಾಯಾಮ ಸೇರಿದಂತೆ ವಿವಿಧ ಯೋಗಾಸನಗಳನ್ನು ಜನರು ಮಾಡಿದರು.

ಮಲ್ಲಕಂಬ ಪ್ರದರ್ಶನ ಆಕರ್ಷಣೆಯಾಗಿತ್ತು. ಜೂನ್‌ 21ರ ಯೋಗ ದಿನಾಚರಣೆ ಅಂಗವಾಗಿ ಅಮೆರಿಕದ ಐತಿಹಾಸಿಕ ಸ್ಮಾರಕಗಳು ಮತ್ತು ಪ್ರೇಕ್ಷಣೀಯ ಸ್ಥಳಗಳಲ್ಲಿ ಒಂದು ವಾರ ಯೋಗ ಪ್ರದರ್ಶನ ನಡೆಯಲಿದೆ.

ನೇಪಾಳದಲ್ಲಿ ಮುಕ್ತಿನಾಥ ದೇವಾಲಯದ ಆವರಣದಲ್ಲಿ  ನಡೆದ ಯೋಗ ದಿನಾಚರಣೆಯಲ್ಲಿ ನೂರಾರು ಮಂದಿ ಪಾಲ್ಗೊಂಡಿದ್ದರು.