ಶಿಂಜೊ ಅಬೆ ಸುಷ್ಮಾ ಭೇಟಿ

ಟೋಕಿಯೊ: ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಅವರು ಜಪಾನ್‌ ಪ್ರಧಾನಿ ಶಿಂಜೊ ಅಬೆ ಅವರನ್ನು ಶುಕ್ರವಾರ ಭೇಟಿ ಮಾಡಿ, ದ್ವಿಪಕ್ಷೀಯ ಸಂಬಂಧಗಳ ಸುಧಾರಣೆ ಕುರಿತು ಚರ್ಚಿಸಿದರು.

‘ಭಾರತ ಮತ್ತು ಜಪಾನ್‌ ನಡುವಿನ ಸಾಂಪ್ರಾದಾಯಿಕ ಗೆಳೆತನ ಇನ್ನಷ್ಟು ಗಾಢವಾಗಲಿದೆ’ ಎಂದು ಈ ವೇಳೆ ಅಬೆ ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಭಾರತ–ಜಪಾನ್‌ ಕಾರ್ಯತಂತ್ರದ ಸಂವಾದದಲ್ಲಿ ಪಾಲ್ಗೊಳ್ಳಲು ಸುಷ್ಮಾ ಅವರು ಜಪಾನ್‌ಗೆ ತೆರಳಿದ್ದರು. ಜಪಾನ್‌ನ ವಿದೇಶಾಂಗ ಸಚಿವ ಟಾರೊ ಕೊನೊ ಅವರನ್ನು ಗುರುವಾರ ಭೇಟಿ ಮಾಡಿ ಮಾತುಕತೆ ನಡೆಸಿದ್ದರು.