ಸಯೀದ್‌ ಗೃಹಬಂಧನ ಅವಧಿ ವಿಸ್ತರಣೆ

ಲಾಹೋರ್‌: ಮುಂಬೈ ದಾಳಿಯ ಸಂಚುಕೋರ ಹಾಗೂ ನಿಷೇಧಿತ ಜಮಾತ್‌– ಉದ್‌– ದವಾ ಸಂಘಟನೆಯ ಮುಖ್ಯಸ್ಥ ಹಫೀಜ್‌ ಸಯೀದ್‌ನ ಗೃಹಬಂಧನದ ಅವಧಿಯನ್ನು 30 ದಿನಗಳವರೆಗೆ ವಿಸ್ತರಿಸಿ ಪಾಕಿಸ್ತಾನದ ಪಂಜಾಬ್‌ ಪ್ರಾಂತ್ಯದ ನ್ಯಾಯಾಂಗ ಪರಿಶೀಲನಾ ಮಂಡಳಿ ಗುರುವಾರ ಆದೇಶ ಹೊರಡಿಸಿದೆ.

ಆದರೆ, ಆತನ ನಾಲ್ವರು ಸಹಚರರ ಗೃಹಬಂಧನದ ಅವಧಿ ವಿಸ್ತರಿಸಲು ನ್ಯಾಯಾಲಯ ನಿರಾಕರಿಸಿದೆ. ಇದರಿಂದ, ಇತರ ಯಾವುದೇ ಪ್ರಕರಣದಲ್ಲಿ ಸರ್ಕಾರ ಬಂಧಿಸದೇ ಇದ್ದಲ್ಲಿ, ಈ ನಾಲ್ವರು ಈ ತಿಂಗಳ ಕೊನೆಯಲ್ಲಿ ಬಂಧಮುಕ್ತರಾಗಲಿದ್ದಾರೆ.

ಹಫೀಜ್‌ ಗೃಹಬಂಧನ ಅವಧಿ 3 ತಿಂಗಳು ವಿಸ್ತರಿಸುವಂತೆ ಮಂಡಳಿಗೆ ಗೃಹ ಇಲಾಖೆ ಮನವಿ ಸಲ್ಲಿಸಿತ್ತು.