ಹೆಚ್ಚುತ್ತಿರುವ ಬಾಹ್ಯಾಕಾಶ ತ್ಯಾಜ್ಯ!

ಲಂಡನ್‌ (ಪಿಟಿಐ): ಭೂ ಉಪಗ್ರಹ ಕಕ್ಷೆಯ ಸುತ್ತಲೂ ಬಾಹ್ಯಾಕಾಶ ತ್ಯಾಜ್ಯ ಹೆಚ್ಚುವ ಲಕ್ಷಣ­ಗ­ಳಿದ್ದು, ಭವಿಷ್ಯದಲ್ಲಿ ಉಪಗ್ರಹ ಉಡಾ­ವಣೆ ಕಷ್ಟಕರ­ವಾಗಲಿದೆ ಎಂದು ವಿಜ್ಞಾನಿ­ಗಳು ಎಚ್ಚರಿಕೆ ನೀಡಿದ್ದಾರೆ.

ಮಾನವ ನಿರ್ಮಿತ ವಸ್ತುಗಳ ತ್ಯಾಜ್ಯ  ಬಾಹ್ಯಕಾಶದಲ್ಲಿ ವಿಷಮತೆಯ ಹಂತ ತಲುಪಲಿದೆ ಎಂದು ಯುರೋಪಿಯನ್‌ ಬಾಹ್ಯಾಕಾಶ ಸಂಸ್ಥೆ (ಇಎಸ್‌ಎ)ಯ ಸಂಶೋಧಕರು ತಿಳಿಸಿದ್ದಾರೆ.

ಬಾಹ್ಯಾಕಾಶದಲ್ಲಿ ತ್ಯಾಜ್ಯದ ಪ್ರಮಾಣ ಜಾಸ್ತಿಯಾಗಿ ಅವು ಒದ­ಕ್ಕೊಂದು ಡಿಕ್ಕಿ ಹೊಡೆದು ಕಣಗಳು ಸೃಷ್ಟಿಯಾಗುತ್ತವೆ. ಈ ಕಣಗಳು ಮುಂದೆ ಬಾಹ್ಯಾಕಾಶ ಕಸದ­ತೊಟ್ಟಿಗೆ ಮೂಲವಾ­ಗಲಿದೆ ಎಂದು ಸಂಶೋಧಕರು ಹೇಳಿದ್ದಾರೆ.

‘ಉಪಗ್ರಹಗಳ ಉಡಾವಣೆ ಇದೇ ರೀತಿ ಮುಂದುವರಿದರೆ ತ್ಯಾಜ್ಯಗಳು ಡಿಕ್ಕಿಯಾಗುವ ಪ್ರಮಾಣ ಶೀಘ್ರದಲ್ಲೇ ಈಗಿರುವುದ­ಕ್ಕಿಂತಲೂ 25 ಪಟ್ಟು ಹೆಚ್ಚಾಗಲಿದೆ. ಇದರಿಂದಾಗಿ ಉಪಗ್ರಹ­ಗಳು ಭೂ ಕಕ್ಷೆಯ ಸಮೀಪ ಸುತ್ತುವುದು ಅಸಾಧ್ಯ­ವಾಗಲಿದೆ’ ಎಂದು ಇಎಸ್‌ಎ  ಹೇಳಿದೆ.