‘ಮೊಬೈಲ್‌ ನಡಿಗೆಗೆ’ ನೂತನ ಮಾರ್ಗ!

ಲಂಡನ್‌: ಪಾದಚಾರಿಗಳು ಮೊಬೈಲ್‌ನಲ್ಲಿ ಮಗ್ನರಾಗಿ ನಡೆಯುವುದರಿಂದ ಘಟಿಸುವ ಅಪಘಾತವನ್ನು ತಪ್ಪಿಸುವ ನಿಟ್ಟಿನಲ್ಲಿ ಬೆಲ್ಜಿಯಂ ನಗರದಲ್ಲಿ ಮೊಬೈಲ್‌ ನಡಿಗೆದಾರರಿಗೆ ಒಂದು ತಾತ್ಕಾಲಿಕ ರಸ್ತೆಯನ್ನು ನಿರ್ಮಿಸಲಾಗಿದೆ.

ಬಿಳಿಯ ಬಣ್ಣದಿಂದ ಆ ರಸ್ತೆಯನ್ನು ಗುರುತಿಸಲಾಗಿದ್ದು, ರಸ್ತೆಯ ಮೇಲೆ ‘ಮೊಬೈಲ್‌ ನಡಿಗೆದಾರರ ಹಾದಿ’ ಎಂದು ಬರೆಯಲಾಗಿದೆ. ಮೊಬೈಲ್‌ನಲ್ಲಿ ಮಗ್ನರಾಗಿ ಇತರೆ ಪಾದಚಾರಿಗಳಿಗೆ ತೊಂದರೆಯಾಗಬಾರದು ಎಂದು ಈ ಮಾರ್ಗವನ್ನು ರೂಪಿಸಲಾಗಿದೆ ಎಂದು ಬಿಬಿಸಿ ವರದಿ ಮಾಡಿದೆ.

ಮೊಬೈಲ್‌ನಲ್ಲಿ ಮಗ್ನರಾಗಿ ಒಬ್ಬರಿಗೊಬ್ಬರು ಡಿಕ್ಕಿ ಹೊಡೆದು ಮೊಬೈಲ್‌ ಫೋನ್‌ ಹಾಳಾಗುವುದನ್ನು ತಪ್ಪಿಸುವ ಆಶಯದೊಂದಿಗೆ ಸ್ಮಾರ್ಟ್‌ಫೋನ್‌ ಕಂಪೆನಿಯಾದ ಎಂಲ್ಯಾಬ್‌ ಇದನ್ನು ನಿರ್ಮಿಸಿದೆ.