ಕುವೈತ್ | ವಲಸೆ ಮಸೂದೆಗೆ ಅನುಮೋದನೆ: 8 ಲಕ್ಷ ಭಾರತೀಯರು ಹೊರಬೀಳುವ ಸಾಧ್ಯತೆ

ಕುವೈತ್/ನವದೆಹಲಿ: ದೇಶದಲ್ಲಿರುವ ವಲಸಿಗರನ್ನು ಹೊರಹಾಕಲು ಅನುವು ಮಾಡಿಕೊಡುವಮಸೂದೆಗೆ ಕುವೈತ್‌ನ ಕಾನೂನು ಮತ್ತು ಶಾಸಕಾಂಗ ಸಮಿತಿಯು ಅನುಮೋದನೆ ನೀಡಿದೆ. ಇದರಿಂದಾಗಿ ಸುಮಾರು 8 ಲಕ್ಷ ಭಾರತೀಯರು ಆ ದೇಶದಿಂದ ಹೊರಬೀಳುವ ಸಾಧ್ಯತೆ ಇದೆ.

ಭಾರತೀಯರ ಪ್ರಮಾಣವು ದೇಶದ ಜನಸಂಖ್ಯೆ ಶೇ.15ಕ್ಕಿಂತ ಹೆಚ್ಚು ಇರಬಾರದು ಎಂದು ಹೇಳುವ ವಲಸೆಮಸೂದೆಯನ್ನು ರಾಷ್ಟ್ರೀಯ ಅಸೆಂಬ್ಲಿಯಲ್ಲಿ ಸಾಂವಿಧಾನಿಕವಾಗಿ ಅಂಗೀಕರಿಸಲು ನಿರ್ಧರಿಸಲಾಗಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

ಸದ್ಯದಲ್ಲೇ ಇದಕ್ಕೆ ಸಂಬಂಧಿಸಿದ ಸಮಗ್ರ ಯೋಜನೆ ರಚನೆಯಾಗಲಿದೆ ಎಂದೂ ಹೇಳಲಾಗಿದೆ.

ಕುವೈತ್‌ ಜನಸಂಖ್ಯೆ 43 ಲಕ್ಷವಾಗಿದ್ದು, ಇದರಲ್ಲಿ 30 ಲಕ್ಷ ವಲಸಿಗರಿದ್ದಾರೆ. 14.5 ಲಕ್ಷ ಭಾರತೀಯರು ಆ ದೇಶದಲ್ಲಿ ವಾಸವಾಗಿದ್ದಾರೆ.