ಚೀನಾ ಪಟಾಕಿ ಸ್ಥಾವರದಲ್ಲಿ ಸ್ಫೋಟ: 9 ಸಾವು 

ಬೀಜಿಂಗ್‌: ಚೀನಾದ ಹುನಾನ್‌ ಪ್ರಾಂತ್ಯದ ಲಿನ್‌ಲಿ  ಕೌಂಟಿಯಲ್ಲಿರುವ ಪಟಾಕಿ ಘಟಕವೊಂದರಲ್ಲಿ ಸ್ಫೋಟ ಸಂಭವಿಸಿದೆ. ದುರಂತದಲ್ಲಿ 9 ಮಂದಿ ಮೃತಪಟ್ಟಿದ್ದು, 26 ಮಂದಿ ಗಾಯಗೊಂಡಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ಮಂಗಳವಾರ ವರದಿ ಮಾಡಿವೆ.

ಘಟನಾ ಸ್ಥಳದಲ್ಲಿ ಶೋಧ ಹಾಗೂ ರಕ್ಷಣಾ ಕಾರ್ಯಾಚರಣೆ ಪ್ರಗತಿಯಲ್ಲಿದೆ. ಘಟನೆಗೆ ಕಾರಣ ಪತ್ತೆ ಮಾಡುವುದಕ್ಕಾಗಿ ತನಿಖಾ ತಂಡವನ್ನೂ ರಚಿಸಲಾಗಿದೆ ಎಂದು ಚೀನಾದ ವಿಪತ್ತು ನಿರ್ವಹಣಾ ಸಚಿವಾಲಯ ತಿಳಿಸಿದೆ.